web counter
LEXO PA REKLAMA!

SHKARKO APP

App Store
Google Play

E fundit!

x

"Radarët fiken dhe ndizen sa herë do bosi i drogës"/ Komisioni i Sigurisë, si komision eskursionesh

31 Janar 2018, 09:58, Aktualitet CNA

Sekretari i Përgjithshëm i LSI-së, Endrit Braimllari ka kritikuar punën e Komisionit të Sigurisë Kombëtare duke thënë se është kthyer në komision ekskursionesh.

Në një postim në faqen e tij në rrjetet sociale, Braimllari thotë se deputetët njoftohen për vizita njohëse nëpër godina të ndryshme të vendit dhe nuk diskutohen për ekstradimin e Nezar Seitit, për krimin, drogën etj.

“Partia-shtet e kthen Komisionin e Sigurisë Kombëtare në komision ekskursionesh!

U bë e disata herë që njoftohemi si anëtarë të Komisionit të Sigurisë Kombëtare për vizita njohëse nëpër godina të ndryshme të vendit.
Në komisionin e sigurisë kombëtare nuk diskutohen çështje të rëndësishme që kanë të bëjnë me thelbin e tij, çështje të sigurisë kombëtare.
Sot në komision duhet të diskutohet për ekstradimin e Nezar Seiti, për çështjen e radarëve që fiken dhe ndizen sa herë që do bosi i drogës, për krimin e organizuar, per vrasjet që ndodhin në mes të ditës në sy të qytetarëve, për trafikun e drogës, për anijet e peshkimit që i mungon sinjali GIS i sistemit Bluebox, duke cënuar rëndë sigurinë kombëtare.
Kësaj qeverie të lidhur me krimin nuk i interesojnë këto çështje sepse janë vetë të përfshirë në trafiqe duke cënuar rëndë sigurinë kombëtare.”- shkruan Braimllari në postimin e tij./ CNA.al





Lajmet e fundit nga