web counter
LEXO PA REKLAMA!

SHKARKO APP

App Store
Google Play

E fundit!

x

Arta Marku përplaset me Hajdarmatajn/ Ja, cilët janë prokurorët nën hetim

31 Janar 2018, 08:53, Aktualitet CNA

Nazer Seitaj apo siç njihet ndryshe ?financieri i Habilajve?, rrezikon të ?presë? kokat e katër prokurorëve.

Kreu i Prokurorisë së Krimeve të Rënda Besim Hajdarmata, një ditë më parë  ka thënë për mediat se ekstradimi i Nezar Seitit nuk duhej të ndodhte.

Sipas Hajdarmatajt,  Prokuroria e Krimeve të Rënda ka njoftuar Prokurorinë e Përgjithshme në lidhje me mungesën e informacionit për procedurat e ekstradimit të Nezar Seitajt, që kishin nisur nga Ministria e Drejtësisë dhe Prokuroria e Përgjithshme.

Por Prokurorja e Përgjithshme  Arta Marku paraprakisht në një njoftim për shtyp ka deklaruar se Drejtoria e Marrëdhënieve Juridiksionale me Jashtë, nuk ka patur asnjë informacion në lidhje më procedimin penal ndaj shtetasit Nazer Seitaj nga Prokuroria Për Krime të Rënda.

?Aktet e vetme që ka disponuar kjo drejtori janë aktet që kanë lidhje me procedurat e ekstradimit të shtetasit Nazer Seitaj, në funksion të drejtësisë italiane?, thuhet në njoftimin e Prokurorit të Përgjithshëm.

Ndërkaq, prokuroria e Durrësit ka nisur hetimet për ekstradimine  Nazer Seitajt dhe në filtrin e hetimeve pritet të kalojnë katër prokurorë, të cilët paraprakisht janë ndëshkuar me masa dipilinore.

Bëhet fjalë për prokurorët Vladimir Mara dhe Dritan Prençi, të cilët sipas verifikimeve që ka kryer Drejtoria e Inspektimit në Prokurorinë e Përgjithshme ka rezultuar se nuk kanë njoftuar prokurorinë e Përgjithshme por edhe nuk kanë pasur një komunikim me prokurorinë e Tiranës, e cila kishte në shqyrtim çështjen për ekstradimin në Itali të Nazer Seiti.

Gjithashtu nën hetim do të kalojnë edhe prokurorja Armida Hamiti (Moçka), e cila ka përfaqësuar akuzën në gjykatë, në dosjen e ekstradimit të Nazer Seitit si dhe prokurori i Tiranës, Shahin Pasha.

Gjykata e Rrethit Gjyqësor Tiranë, me vendimin nr.1506 Regjistrit Themeltar, datë  5 dhjetor 2017,  mbi bazën e kërkesës së Prokurorisë Tiranë ka vendosur miratimin e kërkesës për lejimin e ekstradimit të shtetasit shqiptar Nezar Seiti (Seitaj), për efekt të zbatimit të urdhër-arresit ndërkombëtar nr. OÇC15355/2013,datë 12.10.2017 , lëshuar nga Gjyqtari i Hetimeve Paraprake pranë Gjykatës së Catania-s./CNA.al

 





Lajmet e fundit nga