E fundit!

07:39 Ekonomi

Zhvillimi nuk është vetëm pagë, por dhe përmirësim i cilësisë së jetës së përditshme

Shqipërisë i duhen paga më të larta, por edhe më shumë se ...

Kryeministri i Malit të Zi vizitë në Kosovë/ A do të jetë ratifikimi i kufirit në axhendë?

30 Janar 2018, 18:53, Aktualitet CNA

Kryeministri i Malit të Zi, Dushko Markoviq, pritet të vizitojë Kosovën me ftesë të kryeministrit të Kosovës, Ramush Haradinaj, në një kohë kur Kuvendi i Kosovës pritet të deklarohet përfundimisht rreth Marrëveshjes për kufirin shtetëror ndërmjet Kosovës dhe Malit të Zi, që është nënshkruar në vitin 2015. Këtë marrëveshje Kuvendi i Mali i Zi e ka ratifikuar, kurse pjesa opozitare e Kuvendit të Kosovës e ka kontestuar duke thënë se me këtë marrëveshje të nënshkruar, Kosova ka humbur territor të sajin.

Ratifikimi i Marrëveshjes për shënjimin e vijës kufitare me Malin e Zi, vazhdon të mbetet një prej dy kritereve të fundit për heqjen e regjimit të vizave për Kosovën nga Bashkimi Evropian.

I prononcuar rreth vizitës së Kryeministrit malazes në Kosovë, Halil Matoshi, këshilltar i kryeministrit Haradinaj, thekson se qëllimi është thellimi i marrëdhënieve ndërmjet Kosovës dhe Malit të Zi në të gjitha sferat e jetës dhe rrugëtimin e përbashkët euroatlantik.

“Të dyja shtete do të diskutojnë të gjitha temat që kanë të bëjnë me prosperitetin e të dy vendeve në rrugën Euro-Atlantike dhe në këtë kontekst, Qeveria e Kosovës e ka proceduar tashmë projektligjin për Demarkacionin e kufirit në Kuvendin e Republikës duke ia bashkuar edhe të gjeturat e Komisionit të ri Shtetëror. Tani është në dorën e deputetëve të Republikës që ta procedojnë më tutje”, deklaron Matoshi.

Megjithatë, autoritetet në Mal të Zi, thonë se kjo çështje tashmë ka përfunduar për ta.

“Pozicioni i Malit të Zi lidhur me kufirin nuk ka ndryshuar dhe nuk do të ndryshojë”, thotë për Radion Evropa e Lirë, Srgjan Kusovac, këshilltar i kryeministrit të Malit të Zi.

Bashkësia ndërkombëtare këmbëngul në ratifikimin e Marrëveshjes së demarkacionit, e cila, siç thonë ambasadorët e huaj do të përfundonte vetë-izolimi i Kosovës dhe do të kapërceheshin interesat personale të qarqeve të ndryshme politike. /REL/