web counter
LEXO PA REKLAMA!

SHKARKO APP

App Store
Google Play

Dialogu Serbi-Kosovë/ Vuçiç flet për rezultatin final

26 Janar 2018, 19:26, Aktualitet CNA

?Nëse dikush mendon se ideja e procesit të normalizimit të raporteve mes Prishtinës dhe Beogradit është që Serbia duhet ta njohë Kosovën si shtet dhe kaq, atëherë faleminderit, lamtumirë?.

Kështu ka thënë gjatë ditës së sotme Presidenti i Serbisë, Aleksander Vuçiq , duke folur për dialogun mes Prishtinës e Beogradit dhe pritshmëritë e rezultatit nga ky proces, transmeton ?lajmi.net?.

I pyetur nga gazetarët se a ekziston mundësia që të organizohet një konferencë ndërkombëtare për normalizimin e raporteve mes Prishtinës dhe Beogradit, në vend të prishjes së tyre në Bruksel, Vuçiç u përgjigj:

?Nuk e mohojmë një gjë të tillë, mirëpo frikësohem se kjo konferencë mund të negociohet pa ndonjë marrëveshje të arritur. Pavarësisht formatit që dikush duhet të tregoj vullnet të mirë, duhet të kuptohet cështja që kompromisi nuk është vetëm në formën që ti do marrësh gjithcka nga këto marrëveshje, sic pret Presidenti Thaci, këtu duhet të ketë lëshime nga të dy palët. Nëse ata janë në gjendje ta bëjnë këtë, në jemi në gjendje të flasim, mirëpo nëse mendojnë që Serbia ta njohë Kosovën atëherë faleminderit, lamtumirë?, deklaroi Vuçiç.

Duke u pyetur se nëse Serbia është e gatshme për arritjen e një kompromisi, ai u përgjigj se nuk mund të flas në emër të tyre.

?Ata do të jenë në korridore, e shoh që ata kanë mjaftë kohë të lirë, kështu që pyetni ata ?, u përgjigj Vuçiq.

Duke u pyetur për bisedën me Presidentin Thaçi, Vuçiq shtoi se ai ka folur me Presidentin e Institucioneve të përkohshme të Prishtinës për vazhdimin e dialogut dhe problemet që po konsiderohen pengesë në normalizimin e raporteve mes dy vendeve.

?Ne kemi pasur edhe takime me delegacionin e Kosovës të cilët erdhën këtu në pajtim me rezolutën 1244?, Thaci fliste për vazhdimin e dialogut, zgjidhjen e problemit, mirëpo nuk arrij ta kuptoj pse ata nuk pajtohen me pjesëmarrjen e Serbisë në hetimin e vrasjes së Ivanoviqit?, përfundoi Vuçiç.





Lajmet e fundit nga