E fundit!

16:40 Aktualitet

Investimi në Zvërnec/ Rama: Ja njeriu që investitorët kanë kontraktuar për arkitekturën e peizazhit

Kryeministri Edi Rama ka zbuluar arkitektin me famë botëro...

Protesta e 27 janarit/ Zbardhet skenari zyrtar i opozitës

26 Janar 2018, 19:14, Aktualitet CNA

Partia Demokratike, ka bërë të ditur për mediet skenarin zyrtar të opozitës, për protestën e ditës së nesërme, e paralajmëruar më 18 dhjetor të vitit të shkuar, kur Arta Marku u zgjodh në postin e kryeprokurores.

Sikurse ka raportuar Report TV, protesta do të ketë tre itinerare lëvizjesh, që do të shkojnë drejt Kryeministrisë në formë marshimi.

Anëtarët, militantët dhe qytetarët që do të vijnë nga qytetet do të kenë pikëtakim tek Sheshi ?Skënderbej?, në pritje të marshimit që do të nis nga selia e Partisë Demokratike, nga ku do të dal Lulzim Basha.

Basha dhe Kryemadhi kanë paralajmëruar se kjo protestë do të flasë përmes pjesëmarrjes së madhe të qytetarëve, e për ta arritur këtë ka pasur një angazhim të të gjithë strukturave partiake, në qendër dhe në rrethe.

Lulzim Basha sipas skemës, do të dalë nga selia blu dhe do të ecë përgjatë bulevardit ?Zhan Dark?, për të mbërritur tek godina e Hotel Dajtit, së bashku me njerëzit që do e shoqërojnë dhe me pankartat. Tek kjo godinë, Basha do i bashkohet qytetarëve që do të vijnë nga sheshi ?Skëndërbej?, për të marshuar më pas së bashku drejt Kryeministrisë.

Ndërsa një tjetër intinerar është parashikuar nga Lëvizjes Socialiste për Integrim. Njësoj si PD edhe anëtarët e Lëvizjes Socialiste për Integrim pikëtakimin do e kenë në sheshin ?Skënderbej?, ndërsa kryetarja e LSI-së, Monika Kryemadhi do të vijë nga selia, për t?iu bashkuar protestuesve.

Protesta do të shoqërohet nga fjalime politike që do të mbyllen nga Lulzim Basha. Qytetarët nga rrethet do të vijnë me autobusë, të cilët do të kenë pikëmbërritje të ndryshme, larg qendrës së kryeqytetit por ata do të do të mblidhen tek sheshi ?Skëndërbej?, për marshimin rreth orës 12 drejt Kryeministrisë.

Kjo protestë është parashikuar të zgjasë 3-4 orë, nëpërmjet së cilës kërkon largimin e qeverisë ?Rama? dhe krijimin e një qeverie tjetër. /CNA.al