Becchetti përgenjeshtron Gjiknurin/ Vendimi i arbitrazhit nuk është përfundimtar

26 Janar 2018, 12:14, Aktualitet CNA

Një ditë pasi shteti shqiptar njoftoi se ka fituar në arbitrazh ndaj shoqërisë Hydro S.R.L ka ardhur edhe reagimi i vetë kompanisë.

Në një deklaratë për mediat, kompania bën me dije se vendimi i dhënë nga Gjykata e Dhomës Ndërkombëtare të Tregtisë është një vendim i pjesshëm për të cilin nuk është bërë asnjë cilësim vlere dhe për të cilën vetë gjykata është e rezervuar.

Gjithashtu kjo kompani sqaron opinionin se ky vendim i pjesjshëm nuk ka marë në shqyrtim provat e depozituara lidhur me shpronësimin e koncesionit sepse ato janë dorëzuar më vonë.

Sipas njoftimit të kësaj shoqërie, arbitat e gjykatës kanë ftuar kompaninë të bëj një arbitrazh të dytë.

Kompania ka bërë një arbitrazh të dytë në 30 qershor të vitit 2017 ku është kërkuar të konstatohet keqbesimi kontraktor nga ana e ministrit të Energjisë për krijimin e provave të rreme nëpërmjet agjensisë në varësi AKBN në lidhje me moskryerjen e pretenduar të punimeve në Kalivaç.

Kompania pretendon se minitria duhet të paguajë kompesimin për shpronësim siç parashikohet në marrëveshjen e Koncesionit.

Kompania i kërkon qeverisë shqiptare të presë derisa të shpallet vendimi përfundimtar i arbitrazhit para se të informonte publikun.

Deklarata e plotë:

Duke iu referuar lajmeve të komunikuara sot nga Ministri i Energjisë, Damian Giknuri, Shoqëria Hydro S.r.l. (Becchetti Energy Group) ka detyrimin të saktësojë se Vendimi i dhënë nga Gjykata e Dhomës Ndërkombëtare të Tregtisë (ICC) është një Vendim i pjesshëm për të cilin nuk është bërë asnjë cilësim vlere dhe për të cilën vetë Gjykata është e rezervuar.

Është me vend të qartësohet se ky Vendim i pjesshëm nuk ka marrë në shqyrtim provat e depozitura lidhur me shpronësimin e koncesionit sepse ato janë dorëzuar më vonë. Përkundrazi, Arbitrat ftuan Hydro-n për të filluar një arbitrazh të dytë. Hydro, më 30 qershor 2017, njoftoi Qeverinë Shqiptare dhe Ministrinë e Energjitikës për kërkesën e dytë për Arbitrazh në të cilën nga Hydro ICC-së ju kërkua të konstatojë: Keqbesimin kontraktor nga ana e Ministrit të Energjisë për krijimin e provave të rreme nëpërmjet agjencisë në varësi të tij, AKBN, lidhur me moskryerjen e pretenduar të punimeve të përgatitjes së materialit për trupin e digës në Kalivaç, siç u pranua më në fund me shkrim edhe nga vetë Qeveria dhe mbi të cilat u mbështet e gjithë çështja penale, veçanërisht kundër Francesco Becchettit. Detyrimin e Ministrisë së Energjisë për të paguar kompensimin për shpronësim siç parashikohet në Marrëveshjen e Koncesionit. Dëmet për të cilat Hydro pretendon shpërblim llogariten në qindra miliona euro. Seanca e parë në këtë arbitrazh u mbajt më 23 janar 2018. Administratori i hidrocentralit, Ceccobelli deklaron: “Unë do të sugjeroja që, për të informuar publikun shqiptar në mënyrë transparente, Ministri Gjiknuri duhet të presë derisa të shpallet Vendimi përfundimtar i arbitrazhit dhe rezultatet e shumë çështjeve tjera që janë në zhvillim”. Romë më 25 Janar, 2018./ CNA.al

Bie Francesco Beccheti/ Reagon ministri Damian Gjiknuri