web counter
LEXO PA REKLAMA!

SHKARKO APP

App Store
Google Play

Raundi i 9-të/ Sot në Vjenë nisën bisedimet për paqen në Siri

25 Janar 2018, 19:38, Aktualitet CNA

Negociatorët do të takohen sot në Vjenë në raundin e 9-të të bisedimeve të sponsoruara nga Kombet e Bashkuara me qëllim të gjetjes së një zgjidhje për luftën afro shtatë vjeçare në Siri.

I dërguari special i Kombeve të Bashkuara për Sirinë, Staffan de Mistura, ka thënë se negociatat dy ditore në të cilat përfshihet qeveria e ?plotë? dhe delegacionet opozitare janë ?në një moment tejet kritik?.

De Mistura do të mbajë takime të ndara me këto delegacione për bisedime, që pritet të fokusohen në çështjet kushtetuese, pasi raundi i kaluar i takimeve i mbajtur në Gjenevë ka përfunduar pa ndonjë zhvillim.

Mistura ka fajësuar më së shumti qeverinë e presidentit Bashar al-Assad, për të cilën ai ka thënë se i ka kërkuar grupeve opozitare të pranojnë mundësinë e rolit të Assadit gjatë tranzicionit politik në këtë shtet.

Dy ditët e ardhshme do të jenë ?një test i vërtetë për të gjitha anët?, ka thënë Nasr al-Hariri nga Koalicioni Kombëtar Sirian, grupi kryesor opozitar i mbështetur nga Perëndimi.

Ministri i Jashtëm francez, Jean-Yves Le Drian, e ka përshkruar takimin në Vienë si, ?shpresën e fundit? për arritjen e një zgjidhje politike në Siri.

Në konfliktin e këtij vendi janë vrarë mijëra persona prej kur kanë filluar pakënaqësitë më 2011.

Takimet në Vjenë po mbahen në kohën kur Rusia është duke planifikuar të jetë nikoqire e ?kongresit për dialog kombëtar? sirian, në Soçi më 29-30 janar.

Rusia së bashku me Iranin, i kanë dhënë mbështetje vendimtare qeverisë së Assadit gjatë luftës, derisa Turqia dhe Shtetet e Bashkuara kanë mbështetur grupe të ndryshme rebele.

 





Lajmet e fundit nga