E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

Tirana përtej fasadave/ Skandali me ndërtimin e Rrugës së Dibrës

25 Janar 2018, 17:30, Aktualitet CNA

Njeriu i cili flet se po bën investime të mëdha e ka katandisur Tiranën në kantierin e pluhurit, smogut dhe kaosit.

Rindërtimi i “Rrugën së Dibrës?,dhe konkretisht segmenti nga ?Farmacia 10? deri në Kinostudio, e cila u shërben mijëra banorëve si dhe është një nga zonat më të populluara në Tiranë, është lënë në mëshirë të fatit.

Rikosntruksioni i kësaj rruge me një vlerë prej 80 703. 912 leke, ka nisur 19 korrik 2017 dhe sipas tabelës së vendosur në fillim të rrugës tek ish-Farmacia 10, punimet duhej të kishin përfunduar brenda 6 muajve, pra në 19 janar, fiks një javë me parë.

Në fakt rruga është braktisur dhe punimet janë ndërprerë prej disa javësh për të mos thënë prej disa muajsh.

Nga një vëzhgim i bërë nga CNA (CityNews Albania), vërehet se nuk ka asnjë mjet, punëtor apo teknik që të punojë në këtë segment rrugor.

I vetmi punim i bërë është ndërhyrja në trotuare dhe më pas gërryeja e asfaltit, punimet për më tej janë braktisur.

Ky është një nga ato raste kur kryebashkiakut Erion Veliaj i dështojnë edhe propagandat dhe është kapur në flagrancë duke bërë një krim, helmimin e qytetarëve të tij. Pluhuri po kthehet në kancer për banorët e zonës.

Ditën që filluan punimet me 19 korrik 2017, Veliaj premtoi se ky segment rrugor do të mbaronte brenda verës. Kaloi jo vetëm vera, por vjeshta, dimri edhe viti iku dhe rruga nuk përfundoi.

Segmenti rrugor “Farmacia 10-Oxhaku” është një arterie kryesore e kryeqytetit, pasi qytetarët, duhet të kalojnë nga kjo rrugë për të marrë shërbimin shëndetësor. Aty ndodhet QSUT qendra spitalore më e madhe në Shqipëri ku çdo ditë marrin shërbim me mijëra vetë.

Siç duket në foto, pluhuri dhe smogu kanë mbuluar gjithçka çdo godinë edhe vetë spitalet aty pranë.

Kjo zonë është kthyer në një nga më të ndoturat në Tiranë.

Mjafton të pyesësh banorët përreth, të cilët nuk ndejnë dot rrobat, pasi pluhuri shkon një pëllëmbë. Mjafton të shikosh fasadat e pallateve dhe xhamat e për ta kuptuar se sa e madhe është ndotja.

Pluhuri është i pandalshëm 24 orë në 24, dhe për me tepër braktisja e punimeve, vështirëson edhe kalimin e automjeteve.

Ky është metropoli i rrugëve të shkatërruara, metropoli i gropava, i pusetave të hapura, i mbeturinave, për të cilin lali Eri trumbeton se e pastron tre herë në ditë, se e gjelbëron dhe se i ka shtruar rrugët dhe trotuaret.

Fotot janë bërë sot rreth orës 16:00, dhe këto janë nga provat që teregojnë Tiranën përtej fasadave dhe propagandës./CNA.al