web counter
LEXO PA REKLAMA!

SHKARKO APP

App Store
Google Play

E fundit!

x

Deputetët e Kosovës nën “shtetrrethim”/U ndalohet dalja jashtë vendit

25 Janar 2018, 18:40, Aktualitet CNA

Me anën e një vendimi Kryesia e Kuvendit të Kosovës, ua ka ndaluar deputetëve daljen jashtë vendit, qoftë dhe për udhëtime zyrtare.

?Shtetrrethimi? ndaj deputetëve do të zgjasë deri në datën 20 shkurt 2018, ndërkohë që, sikurse raportojnë mediat kosovare, kërkesa e Kryesisë po vlerësohet nga deputetët në mënyra të ndryshme.

Sikurse raporton ?Zeri.Info?: deputeti, Naser Osmani nga Lidhja Demokratike e Kosovës, tha për radion ?Evropa e Lirë? se nuk e ka kuptuar kërkesën e Kryesisë dhe se askush, sipas tij, nuk mund të detyrojë deputetët që të rrinë ose jo në një seancë plenare.

Ai thekson se një vendimi i tillë ka kuptim vetëm nëse është bërë për të kursyer buxhetin e Kuvendit.

Kjo masë ka ardhur për të mos lejuar rrjedhjen e votave kur të votohen dy  çështje të rëndësishme, të cilat duhet të kalojnë ose jo me votat e tyre.

Çështje e parë është Marrëveshja për Demarkacionin e Kufirit të Kosovës me Malin e Zi, kurse e dyta shfuqizimi i Ligjit për Dhomat e Specializuara, përkatësisht të Gjykatën Speciale.

Deputeti Osmani thotë se nëse vendimi i Kryesisë së Kuvendit është bërë për të krijuar kuorumin në Kuvend për çështje të caktuara, është i pakuptimtë, kurse, deputeti Ali Lajçi nga VV, këtë vendim të Kryesisë së Kuvendit e ka kuptuar si kërkesë që deputetët të mos mungojnë në seanca, si dhe që të bëhet kuorumi për miratimin e ligjeve./CNA.al





Lajmet e fundit nga