web counter
LEXO PA REKLAMA!

SHKARKO APP

App Store
Google Play

A ndiheni përgjegjës për situatën e krijuar me naftëtarët?/ Përgjigjja surprizë e Ramës

22 Janar 2018, 21:38, Aktualitet CNA

Edi Rama tha sonte se nuk ndihej përgjegjës për situatën e krijuar me naftëtarët e Ballshit, pasi sipas tij është bërë çfarë qeveria ka në dorë, por ARMO nuk është shtetërore.

Gjatë intervistës në emisionin “5 pyetjet nga Babaramo”, u shpreh: “Jo, kemi bërë maksimumin dhe do vazhdojmë kështu, është njëlloj si të themi ‘operacioni mbaroi me sukses, pacienti vdiq’. Ne po përpiqemi të ndihmojmë të kurohet një plagë shumë madhe, por ARMO nuk është pronë shtetërore, është pronë private, e kanë bankat.”

Pjesë nga intervista:

Babaramo: Sot ishit në komunikim, më bëri përshtypje sikur flisnit me ndonjë homolog … A ndiheni përgjegjës për situatën e krijuar me naftëtarët e Ballshit?

Rama: Jo, kemi bërë maksimumin dhe do vazhdojmë kështu, është njëlloj si të themi ‘operacioni mbaroi me sukses, pacienti vdiq’. Ne po përpiqemi të ndihmojmë të kurohet një plagë shumë madhe, por ARMO nuk është pronë shtetërore, është pronë private, e kanë bankat.

Babaramo: Pse shkuan tre ministra për të zgjidhur çështjen e ARMO-s? Kompania që e mori pse nuk paguan taksa?

Rama: Cila kompani? Bankat janë në të drejtën e tyre.

Babaramo: Janë 60 milionë euro …

Rama: Nga e keni këtë shifër?

Babaramo: Nga të gjitha statistikat e mundshme …

Rama: Është e pavërtetë, nuk ekziston. Flasim për periudhën që kemi qeverisur ne, jo për gropat.

Babaramo: Atyre ju vu kapaku, por këto 15 muaj pse?

Rama: Kjo shifër nuk ekziston. Ne kemi qenë të interesuar për të pasur rafinerinë në punë dhe punëtorët në punë, që të marrin rrogat. Detyrimet që burojnë nga gjithë ky proces i ndërlikuar nuk fshihen, janë aty. Ne kemi vepruar me sekuestro, që ju nuk e dini.

Babaramo: Ç?sekuestro?

Rama: Nuk flasim sekuestro të ARMO, jemi në një proces nxitës për ta vënë në punë. Janë bankat që duhet të bëjnë një marrëveshje me operatorë potencialë dhe seriozë. /CNA.al





Lajmet e fundit nga