E fundit!

17:32 Politikë

Zbulohet propozimi i PS-së për Reformën Territoriale/ Ja në sa bashki pritet të ndahet vendi

Mbledhja e Komisionit të Posaçëm për Reformën Administrati...

Takimi Bushati – Kotzias/ Tirana dhe Athina me deklarata copy - paste

21 Janar 2018, 15:21, Aktualitet CNA

Takimi tre ditor ndërmjet Ministrit të Jashtëm të Shqipërisë Ditmir Bushati dhe Ministrit të Jashtëm të Greqisë, Niko Kotzias, të mbajtur në Korçë, është pasur me njoftime zyrtare nga dy institucionet përkatëse.

Njoftimet zyrtare të lëshuara nga dy dikasteret e jashtme kanë qenë të njëjta, i vetmi ndryshim ka qenë orari i publikimit të tyre.

Ministria e Jashtme greke e ka lëshuar njoftimin për shtyp rreth dy orë më vonë se Ministria e Jashtme e Shqipërisë.

CNA sjell deklaratat për shtyp të dy ministrive në fjalë.

Në deklaratën për shtyp të Ministrisë së Jashtme të Shqipërisë thuhet se ?Në vijim të takimit që u zhvillua në Kretë nëntorin e kaluar, të dyja ekipet bënë përparim thelbësor drejt arritjes së zgjidhjeve të qëndrueshme dhe afatgjata për çështjet e pazgjidhura, në përfitim reciprok të të dy vendeve dhe qytetarëve të tyre, në përputhje me vlerat dhe normat evropiane.

Diskutimet u zhvilluan në një atmosferë miqësore dhe konstruktive. Të dyja palët përsëritën angazhimin e tyre për të ndjekur më tej dialogun në të gjitha nivelet në muajt në vijim?.

I njëjti tekst është dhënë edhe në deklaratën për shtyp të Ministrisë së Jashtme të Greqisë. ?Në vijim të takimit që u zhvillua në Kretë nëntorin e kaluar, të dyja ekipet arritën përparim thelbësor drejt arritjes së zgjidhjeve të qëndrueshme dhe afatgjata për çështjet e pazgjidhura, në përfitim reciprok të të dy vendeve dhe qytetarëve të tyre, në përputhje me vlerat dhe normat evropiane. Diskutimet u zhvilluan në një atmosferë miqësore dhe konstruktive dhe të dyja palët përsëritën angazhimin e tyre për të ndjekur më tej dialogun në të gjitha nivelet në muajt e ardhshëm?, thuhet në tekstin e njoftimit për shtypn të Ministrisë së Jashtme të Greqisë.