E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Pesë filma për ata që fundjava me shi i kapi me dembelizëm

21 Janar 2018, 15:15, Aktualitet CNA

U përfol se do të binte borë, por fundjava e tretë e janarit u përmbyt nga reshjet. Pa menduar për flokët e elektrizuar, këpucët e prishura dhe çadrat e humbura, le të fokusohemi tek ana pozitive. Mbrëmjeve mund të rrimë shtrirë nën batanije duke pirë diçka të ngrohtë e duke parë një film të mirë. Për sot, nesër, e pse jo, javën në vazhdim, Anabel ju sugjeron pesë filmat e mëposhtëm:

Dramë ? ?Manchester by the Sea?, 2016

Lee Chandler, një puntor krahu, kthehet në qytetin e lindjes pas vdekjes së të vëllait. Në testament, i vëllai i kërkoi që të bëhej kujdestari ligjor i djalit të tij, Patrick. Marrëdhënia e re që duhet të ndërtojnë xhaxha dhe nip, i gjen të dy të papërgatitur. Një histori delikate dhe e qetë e dhimbjes dhe vajtimit pas humbjes së një njeriu të dashur.

Komedi ? ?Airplane!?, 1980

Një film fatkeqësisht i shkurtër dhe me humor të papërsëritshëm. Pasi pilotët helmohen nga ushqimi, një veteran lufte, lehtësisht i alkoolizuar, duhet të sigurohet që avioni të ulet me sukses. Është versioni tipik i filmit kaotik sjellë në aspektin komik, vetëm se nuk të zhgënjen. E garantuar që do të qeshni.

Aksion, Fantashkencë ? ?Star Wars: A New Hope?, 1977

Filmin e parë nga franshiza e pavdekshme e Star Wars mund ta keni parë. Sidoqoftë, nuk të mërzitet kurrë, sado herë ta shohësh. Nëse jo, ky është momenti t?i futeni edhe ju historisë që mahniti me miliona njerëz në gjithë botën. Luke Skywalker bashkon forcat me një kalorës Jedi, një pilot kontrabandist, një krijesë leshtore dhe dy robotë për të shpëtuar galaksinë nga sundimi diktatorial i The Empire. Ndërkohë i duhet të shpëtojë edhe Princeshë Leian nga i ligu Darth Vader.

I animuar ? ?The Emperors New Groove?, 2000

Perandor Kuzco kthehet në një lamë nga ish-administratorja e tij, Yzma dhe tani duhet të rimarrë fronin me ndihmën e Pacha-s, një bariu lamash. Një kryevepër. Që nga ajo fjali e dallon sa për të qeshur është. Yzma që është një personazh fantastik dhe skenat e filmit kthyer në meme e bëjnë akoma më shumë qejf.

Thriller ? ?Predestination?, 2014

Ky film ka shumë udhëtim në kohë. Mund t?ju duket konfuzues, por pak sekonda para se të dalin titrat arrini të kuptoni gjithçka dhe të ngrini nofullën nga toka. Po, aq pa fjalë të lë. Një agjent temporal ndjek kriminelin që iu kthye në armik personal përmes kohërash dhe vendesh të ndryshme. Ndjekia kthehet në një eksplorim të papërshkrueshëm të dashurisë, fatit, identitetit dhe udhëtimit kohor./CityNews