web counter
LEXO PA REKLAMA!

SHKARKO APP

App Store
Google Play

E fundit!

x

21 janari, tepsia mposhti drejtësinë

21 Janar 2018, 19:55, Aktualitet CNA

Kreu i Konfederantës së Sindikatave të Shqipërisë, ka reaguar me rastin e 7 vjetorit të “21 janarit “, nga ku mbetën të vrarë 4 persona në bulevardin përpara Kryeministrisë.

Në qëndrimin që ai mban me këtë rast Kolë Nikollaj shkruan:

Kanë kaluar 7 vite nga 21 janari i 2011 kur protesta e opozitës u finalizua me 4 të vrarë në mes të bulevardit në mes të ditës më urdhër të Ministrit të Brendshëm dhe Kryeministrit të asaj kohe Sali Berisha.

Ish-komandanti gardës, Ndrea Prendi, shoferi i tij Margarit Kume, si dhe gardisti, Agim Llupo, të cilët akuzoheshin për vrasjen e katër demonstruesve, gjatë protestës së 21 Janarit 2011 u liruan nga ?drejtësia e plepave?

E imagjinoni dot këtë çmenduri, katër të vrarë në mes të kryeqytetit asnjë i dënuar nga drejtësia, kjo nuk ndodh as në vendet e Afrikës dhe Lindjes Mesme
Aleanca e 2013 mes Partisë Socialiste dhe Lëvizjes Socialiste për Integrim njëherë e mirë vulosi fatin e kësaj çështjeje.

Tepsia fitoi mbi drejtësinë dhe shkaktari kryesor për të cilin u organizua protesta e 21 janarit u bë Kryetar Kuvendi. 

Lotët e Anës vogël kanë prekur thellë në zemër çdo shqiptar, ndërsa sot kur të gjithë flasin për Reformën në Drejtësi dhe sukseset e saj të pritshme ato lot janë tharë, e bashkë me ta po vdes dhe shpresa se autorët e vërtetë të asaj tragjedie do dalin përpara drejtësisë.

Paradoksi shqiptar nuk njeh limite dhe është i pamëshirshëm, pasi un nuk e di se si ndihen familjarët e Ziver Veizit, Hekuran Dedës, Faik Myrtajt dhe mirditorit, Aleks Nika, kur shohin se qytetar i parë i vendit të tyre është Ilir Meta, njëherësh kreu i KLD, nga e cila varen ata që supozohet se do jepnin drejtësi për këtë ngjarje.

Fjalët janë të tepërta dhe e vetmja e gjë që mund të them është një lutje për zotin që të na shpëtojë nga ky qorrsokak ku kemi hyrë si shoqëri. /CNA.al





Lajmet e fundit nga