web counter
LEXO PA REKLAMA!

SHKARKO APP

Vrasja e 21-vjeçares/ Reagon pedagogu: U vra nga maskilizmi shqiptar

21 Janar 2018, 17:06, Aktualitet CNA

Pas vrasjes së ndodhur ditën e sotme në kryeqytet, pranë spitalit “Nënë Tereza” të studentes së juridikut Ariela Murati, ka reaguar edhe pedagogu dhe gazetari Erlis Hereni.

Me anë të një postimi në rrjetet sociale, Hereni shkruan se 21-vjeçarja u vra nga duart e simbolit karakteristik të maskilizmit shqiptar.

“Ajo humbi jeten nga Arme pa Leje, ne duart e simbolit karakteristik te maskilizmit shqiptar: ?Po ste pata une, nuk do te te kete askush!? ???”, – shkruan Hereni.

Ariela Murati, u vra nga 23-vjeçari Aldison Belulaj, i cili më pas qëlloi edhe vetën dhe ndodhet në gjendje të rëndë për jetën.

21-vjeçarja u vra për shkak se nuk kishte pranuar të lidhej me Aldison Belulajn, me të cilin njiheshin që nga gjimnazi dhe jetonin që të dy në fshatin Zharrëz të Patosit.

Postimi i plotë i Erlis Herenit:

5 plumba rane mbi trupin e Arieles, studentes ne vitin e trete te Fakultetit te Drejtesise!

Ajo humbi jeten nga Arme pa Leje, ne duart e simbolit karakteristik te maskilizmit shqiptar: ?Po ste pata une, nuk do te te kete askush!? ???

Qofsh e parajses Ariela, gjithmone e drejtesise! Zoti u dhente kuraje familjes, dashamireve e shokeve te tu; vecanerisht atyre te Fakultetit, te cilet kane detyrimin qe te behen me te mire e me te zote, e te punojne fort qe menxyra qe te ndodhi ty te mos i ndodhe me askujt! /CNA.al





Lajmet e fundit nga