web counter
LEXO PA REKLAMA!

SHKARKO APP

App Store
Google Play

E fundit!

x

Ligji i gjuhës shqipe i refuzuar nga presidenti Ivanov/ Kryeministri  Zaev rekomandon...

19 Janar 2018, 18:21, Aktualitet CNA

Pas mosfirmosjes së ligjit të gjuhëve nga ana e Presidentit Gjeorgje Ivanov, kryeministri Zoran Zaev mbetet në qëndrimin se ligji për përdorimin e gjuhëve është brenda kornizave të amendamentit 5 të Kushtetutës. Pa dashur të komentojë deklaratat e Presidentit, Zeav rekomandon që për çdo dilemë të prononcohet Gjykata Kushtetuese.

“Gjithçka që është konstatuar në ligjin për përdorimin e gjuhëve është në kuadër të amendamentit 5 të Kushtetutës. Nëse diçka bie në kundërshtim më Kushtetutën, kemi Gjykatë Kushtetuese dhe prononcimi i Komisionit të Venecias. Duhet të kemi kujdes më deklarata pasi që përfundimisht kjo çështje politike duhet të mbyllet”, ka deklaruar qëartë e prerë kryeministëri Zaev i sjellë nga “Alsat M”.

Arsyetimi i Ivanov për mos dekretimin e ligjit ka arritur në Kuvend. Kryetari i Kuvendit pas shqyrtimit, qëndrimin e Ivanovit do ta ndajë me deputetët. Në bazë të arsyetimeve dhe konstatimeve të Presidentit, deputetët kanë të drejtë përsëri të parashtrojnë amendamente, por sipas burimeve të “Alsat”, një gjë e tillë nuk do të ndodhë të paktën nga shumica parlamentare. Kështu që brenda 30 ditëve, në bazë të vlerësimeve të kryetarit të Kuvendit, thirret seancë parlamentare ku edhe ligji i nënshtrohet leximit të tretë, respektivisht votimit. Referuar rregullores së Kuvendit, leximi i tretë duhet të vendoset në seancën e parë që mban Kuvendi.

Kujtojmë se Ligji për Përdorimin e Gjuhëve u votua më 11 janar me 69 vota pro, asnjë kundër, asnjë të përmbajtur. / CNA.al





Lajmet e fundit nga