web counter
LEXO PA REKLAMA!

SHKARKO APP

App Store
Google Play

Deputeti i Bashës tregon arsyen e vërtetë të protestës/ Nuk janë shqiptarët, por...

19 Janar 2018, 12:36, Aktualitet CNA

Partia Demokratike së bashku me Lëvizjen Socialiste për Integrim me 27 janar do të mbajnë një protestë para kryeministrisë.

Deri tani është thënë në daljet publike të kreut të PD, se protesta zhvillohet kundër qeverisë Rama, për gjendjen në të cilën ndodhet ekonomia shqiptare, për krimin, drogën, korrupsionin, etj.

Por të gjitha këto janë hedhur poshtë nga vetë deputeti demokrat, njëkohësisht krahu i djathtë i Lulzim Bashës, Ervin Salianji, i cili pa dashje ka treguar dhe qëllimin e vërtetë të protestës.

I ftuar në emisionin ?360 Gradë? të Artur Zhejit në Ora Neës, Ervin Salianji, ndërsa ka folur në lidhje me protestën e opozitës, ka thënë se ?Arsyeja e protestës është se PD kërkon qeveri të përbashkët me PS dhe LSI?.

Pra, Basha nuk po proteston as për ekonominë, as për korrupsionin, as për drogën dhe krimin, nuk ka si qëllim një reformë të vërtetë në drejtësi, por thjeshtë dhe vetëm synon karrigen e pushtetit.

Kjo tregon se kryetari i PD, Lulzim Basha synon që me çdo kusht të jetë në qeveri. Ai nuk do të bëjë rolin e opozitarit, por të pushtetarit./ CNA.al





Lajmet e fundit nga