Nga Elvi FUNDO/ Pse do shkoj në protestë?!

19 Janar 2018, 11:20, Aktualitet CNA

Protesta është formë demokratike që bashkon njerëzit në një reagim ndaj fenomeneve negative, përgjegjësve që kanë sjellë këto fenomene. Ajo mund të jetë politike, civile etj.

Por kjo e 27 janarit që po na fton Lulzim Basha me Monika Kryemadhin ka 1001 arsye pse duhet të protestojmë. Unë po them pse do jem dhe pse do protestoj aty, disa gjëra po i sjell duke mos i vënë aspak në rradhë, por ashtu si unë e mendoj dhe besoj edhe siç i mendon çdo qytetar i thjeshtë.

Duke e nisur nga fundi do protestoj për 16 milionë eurot e vjehrrit të Lulzim Bashës që do i paguajmë nga xhepat tanë. Janë arsye e fortë për protesta.

Për çadrën që filloi në 18 shkurt 2017 dhe përfundoi më 18 maj me ?dashurinë? Rama-Basha.

Për Lulzim Bashën që shiti demokratët për interesat e tij dhe e mbushi grupin parlamentar të PD me kllouna dhe qesharakë duke goditur elitën e opozitës.

Për humbjen e turpshme të PD-së dhe analizën që nuk u bë kurrë, por thjeshtë për fasadë.

Për listën e kandidatëve për deputetë që Luli e përgatiti me familjen dhe me para.

Për analizën e zgjedhjeve që nuk u bë kurrë, fajin e kanë këshilltarët, pra fajin e ka samari e jo gomari.

Për ngrirjen e Lulzim Bashës dhe garën e turpshme në PD.

Për vjedhjen dhe manipulimin e votave që Basha ju bëri demokratëve.

Do të protestoj, për organizimin e fortë të Partisë Demokratike, që të rizgjidhet Eno Bozdo bashkë me Fatbardh Kadillin. E në krye, pse të mos jetë prapë Arben Ristani?!

Do shkoj në protestë sepse Luli është me LSI-në, që ende nuk ka ftohur karrigen e pushtetit dhe është partia e hajdutëve me ish-kryetarin e kapur me bllok në dorë që sot e ka president, sa më hajdut aq më lart. Çizmja nuk është për tu mos vlerësuar.

Do protestoj kundër Edi Ramës, për koncesionet dhe korrupsionin e tij.

Do të protestoj kundër qeverisë për krimin dhe drogën.

Do të protestoj për Avokatin e Popullit që është zgjedhur dhe nuk thotë asgjë për popullin.

Do të protestoj që të arrestohet ?peshku i madh?, i cili qelbet nga koka e jo nga bishti.

Kam qindra e qindra arsye për të protestuar, pa folur se më shumë dëshirë shkoj të protestoj, kur përpara të kem udhëheqësa si Ervin Salianji apo çuni i Fahri Balliut, që nesër dua ti shoh ministra.

Si të mos protestoj me këtë qeveri dhe këtë opozitë?

Opozita është pasqyrë e qeverisë, apo qeveveria pasqyrë e opozitës, rëndësi ka të protestoj.

Në 27 janar në protestë! Një për të gjithë dhe të gjithë për një! Në rrjesht pas kryetarit dhe kryeministrit e presidentit.

Nuk kam asnjë arsye përse të mos protestoj, kam qindra e qindra arsye për të qenë në protestë.

Nuk kam frikë se më djeg kunati me ndriçuesit e tij. Më 27 do të jem në protestë, por kundër Lulit, kundër Ramës, kundër Monikës e të gjithë kësaj racë politikanësh me soj e sorollop, që nuk i duhen as dreqit e jo më shqiptarëve./ CNA.al