web counter
LEXO PA REKLAMA!

SHKARKO APP

App Store
Google Play

E fundit!

x

Ish-ministri socialist tregon tre tezat e Ramës për të frikësuar shqiptarët

16 Janar 2018, 18:22, Aktualitet CNA

Ish-ministri i Jashtëm dhe ish-deputeti i Partisë Socialiste, Kastriot Islami, ishte i ftuar në studion e lajmeve në Syri.net, ku ka folur lidhur me situatën aktuale politike në vend.

Sipas Islamit, Rama në prag të protestës së opozitës po përpiqet që përmes mediave të artikulojë 3 teza me qëllim për të frikësuar qytetarët dhe për të mos i lejuar ata që të mbështesin opozitën.

Ish-deputeti Islami u shpreh se tha se me tezat se po protestohet kundër integrimit, hapjes së negociatave dhe reformës në drejtësi, kryeqeveritari, po përpiqet të bindë ndërkombëtarët dhe ata që janë në Tiranë, se opozita është kundër këtyre 3 çështjeve.

Më tej Islami u shpreh se Edi Rama ka frikë nga integrimi dhe hapja e negociatave, pasi kjo do të ishte një kokëçarje më e madhe për të, ndërsa momentalisht ndihet rehat.

Ish-ministri i Jashtë u shpreh se largimi masiv i shqiptarëve nga vendi, është dëshmi se ata po ndjehen nën presionin e një qeverisjeje të keqe, dhe se është krijuar perceptimi se problemet e tyre nuk mund t?i zgjidhë askush.

Kastriot Islami, i cili mandatin e fundit si deputet ishte nën siglën e PD, tha se opozita duhet të krijojë një ekip të besueshëm dhe të ketë një organizim sa më të mirë për të bindur qytetarët se ajo është e gatshme të vijë në pushtet dhe të zgjidhë problemet e tyre. /CNA.al





Lajmet e fundit nga