web counter
LEXO PA REKLAMA!

SHKARKO APP

App Store
Google Play

Pritshmëritë nga protesta e opozitës dhe paralajmërimi i Topallit

16 Janar 2018, 16:04, Aktualitet CNA

Ish-nënkryetarja e Partisë Demokratike, Jozefina Topalli është shprehur se nga protesta e opozitës e thirrur për tu mbajtur më 27 janar, nuk ka asnjë pritshmëri, pasi sipas saj kjo është një protestë fasadë dhe që kërkon që të rinegociojë marrëveshjen e 18 majit.

“Çfarë pritshmërie mund të ketë nga një protestë që kërkon të rinegociojë 18 majin, që sipas medias ishte dhjetëra milionë euro të pallatit, në valët e detit të ujit të ftohtë aq të bukur të Vlorës, dhe të kullave që do të ndërtohen në Tiranë. Dhe jo vetëm në Tiranë por edhe në vende të tjera. Ndaj thashë që vendi është në buzë të greminës.”, – tha Topalli.

Sipas saj përgjigjen për atë çfarë pritet nga kjo protestë e ka dhënë vetë Lulzim Basha, i cili thotë më votoni mua ose paguani miliona eurot e pallatit.

“Pyetjes se çfarë pritshmërie keni i është përgjigjur dje Lulzim Basha në një televizion, ku thoshte që nëse nuk doni të paguani taksën e Lulit dhe vjehrrit dhe të kunatit duhet të rrëzoni Edi Ramën. I bie që ai nuk ia kërkonte paratë Edi Ramës por u thoshte qytetarëve që o më paguani parat, o më jepni pushtetin, se alternativë tjetër nuk ka. Vendi është pa opozitë dhe ata janë bashkë.”, – tha Topalli.

Sipas Topallit, “Nëse qytetarët nuk do të ngrihen në protestë për të rrëzuar edhe Lulin, edhe Edin, edhe Monën dhe të gjithë këto që kanë pushtetin bashkë me oligarkët që i sundojnë këta qeveritarë, ky vend edhe për 20 vjet të tjera do të sundohet nga Luli, lali Eri, Mona dhe Edvini.” /CNA.al





Lajmet e fundit nga