Si pa e kuptuar: 9 zakonet që iu shëndoshin

14 Janar 2018, 15:35, Aktualitet CNA

Shpesh shtojmë peshë pa e kuptuar arsyen. Por ka disa zakone të fshehta që na bëjnë të shtojnë disa kilogramë, e të cilat shpesh nuk i kuptojmë.

Shpesh mendohet se agjërimi është një strategji e sigurt për humbje peshe. Efekti është ?boomerang?! Duke lënë mënjanë drekën, në fakt, ajo çka bëni është që në darkë të hani në mënyrë të uritur dhe pakontroll. Përveç kësaj, anashkalimi i vakteve gjithashtu mund të ketë efekte të këqija mbi funksionimin e metabolizmit.

Ky është edhe një gabim klasik dhe që mund të jetë i kushtueshëm. Nëse mendoni se mund të thyeni urinë me patate të skuqura dhe ?snacks?, dijeni se ata janë ushqime me shumë kalori.

Gjithashtu nëse shpesh hani në bar apo restorant, dijeni se ky është një zakon i rrezikshëm për linjat trupore. Sepse në të shumtën e rasteve ju nuk e dini se si janë gatuar këto ushqime.

Një tjetër gabim është kombinimi i ushqimeve. Brenda një vakt të vetëm, për shembull, ju nuk duhet të kombinoni karbohidrate të ndryshme: I pari nuk duhet, pra, të shoqërohet me bukë apo edhe me patate.

Një zakon i gabuar që ju bën të shtoni në peshë është të mos hani mëngjes. Në fakt, rreziku është që të jeni shumë të uritur në kohën e drekës, por edhe të ngadalësohet metabolizmi juaj.

E ngrëna emocionale është armiku numër një i linjave trupore. Shpesh, edhe pa e kuptuar kemi tendencë për të ngrënë nga mërzitja, nervozizmi ose për të gjetur një ngushëllim. Kaloritë, në këtë mënyrë, janë me të vërtetë jashtë kontrollit, dhe për këtë arsye shumë të rrezikshme.

Një tjetër kërcënim për linjat janë pijet alkoolike, kaloritë e të cilave shpesh nënvlerësohen. Një koktej i vetëm, për shembull, mund të sigurojë deri në 800 kalori.

Një tjetër gabim klasik është zakoni që mëngjesin ta hani në bar, me kroasantë dhe kapuçino. Por mirë është që të zgjedhim një ushqim të shëndetshëm, si përshembull drithëra.

Së fundi jeta pasive ju bën të shtoni peshë. Sepse qëndrimi ulur nuk ju lejon të keni aktivitet fizik. Edhe pa u regjistruar në palestër ose për të luajtur sport, ju mund të përpiqeni për ta frenuar jetesën pasive, ndoshta duke zgjedhur për të lëvizur në këmbë dhe pa përdorimin e mjeteve ose të preferoni të merrni shkallët në vend të ashensorit./CityNews