web counter
LEXO PA REKLAMA!

SHKARKO APP

App Store
Google Play

E fundit!

x

Basha dhe zyra e shtypit në PD tallen me Sekretarin e Përgjithshëm dhe dy nënkryetarët

7 Janar 2018, 19:35, Aktualitet CNA

Lulzim Basha ka thirrur në një takim në selinë blu kryetaren e Lëvizsjes Socialiste për Integrim Monika Kryemadhi, dhe kryetarin e grupit parlamentar të kësaj force politike, Petrit Vasili.

Është normale që mes dy partive opozitare, të zhvillohen takime për axhendat politike, kur bëhet fjalë se do të ketë protesta të përbashkëta në Janar.

Zyra e shtypit ka shpërndarë këtë informacion duke lajmëruar se pas këtij takimi Luli do të takojë Sekretarin e Përgjithshëm dhe dy nënkryetarët e PD-së.

Por zyra e shtypit si duket edhe pas vajtjes së drejtuesve të rinj, sërish përdoret për tu tallur, ose bën gafa që e bëjnë opozitën qesharake.

Zyra e shtypit duhet ta dijë se takimi i kryetarit me dy zëvendësat e tij dhe sekretarin është diçka e përditshme dhe krejt normale. Le t?i kujtojmë se, kur ka qenë Sali Berisha, takimi me sekretarët dhe nënkryetarët e partisë, ishte pjesë e axhendës ditore të kryetarit.

Si duket nuk ka edhe shumë faj Elona Meço, sepse duke e pasur Lulzim Bashën kryetar i cili gjatë të gjithë kohës është në Holandë apo diku jashtë me pushime, asaj dhe stafit iu duket sikur po ndodh diçka e madhe, për ta përbën lajm. Emigranti është kthyer në zyrë po pret delegacionet.

Me këtë lajm Basha dhe zyra e shtypit në PD ose po tallen me Sekretarin e Përgjithshëm dhe dy nënkryetarët, ose zyra e shtypit nuk i shërben askujt, sepse me nënkryetarët dhe Sekretarin e përgjithshëm Luli duhet të takohet çdo ditë.

Në Shqipëri dhe PD ndodh që Zyra e shtypit të Lulzim Bashës, “holandezit fluturues” ta japë lajmin se po takon nënkryetarët, prit kur i bie radha demokratëve dhe strukturave. Prandaj PD po ecën kaq mirë nën drejtimin e Lulit.

Zyra e shtypit të mos tregohet kaq e poshtër, Elona Meço nuk ka pse të jetë kaq xheloze, mund të thoshte se në takim ishte edhe Eno Bozdo dhe Bardh Kadiu. /CityNews





Lajmet e fundit nga