web counter
LEXO PA REKLAMA!

SHKARKO APP

App Store
Google Play

E fundit!

x

SHBA i refuzon vizën Kryeministrit kosovar/ Ja si përgjigjet ky i fundit

7 Janar 2018, 18:06, Aktualitet CNA

Mediat kosovare kanë bërë me dije lajmin për refuzimin e vizës për kryeministrin e Kosovës, Ramush Haradinaj, nga ambasada e Shteteve të Bashkuara të Amerikës, vizë të cilën ai thuhet se e do për të marrë pjesë në ?Mëngjesin e Lutjeve?, që mbahet me katër 4 shkurt në Uashington. Por, nuk vonoj shumë dhe kryeministri Haradinaj ka reaguar nëpërmjet rrjetit social duke thënë se ende Ambasada nuk i ka kthyer një përgjigje definitive pasi janë ende në procedurë.

?Pres edhe për vizë deri kur të ma japin. I besoj Kosovës! I besoj Amerikës! Jam ende në procedurë për vizë?, ka shkruar Haradinaj në Facebook.

Megjithatë, analisti politik, Faton Mehmeti ka thënë se refuzimi eventual i vizës për Kryeministrin është lajm i keq për vendin dhe se nënkuptohet se është i padëshiruar për SHBA-t.

?Refuzimi i vizës për kryeministrin Haradinaj është lajm i keq për vendin, si pasoje e acarimit të raporteve të qeverisë me SHBA. Kjo nënkupton se Haradinaj më nuk është palë e besuar nga SHBA dhe person i padëshiruar, dhe rrjedhimisht i rrezikshëm për sigurinë e SHBA?, ka deklaruar Mehemti për ?Bota sot?.

Sipas tij, arsyeja pse është për këtë refuzim ka të bëjë me përpjekjen për të shfuqizuar ligjin për Gjykatën Speciale dhe kundërshtimi për demarkacionin me Malin e zi.

?Besoj se shkas për refuzimin është përpjekja për shfuqizim të Gjykatës Speciale dhe kundërshtimi për demarkacionin, të cilat janë thelbësore për vendin për të cilin SHBA ka dhënë shumë kontribute. Bllokimi i Gjykatës Speciale dhe demarkacioni do konsiderohet edhe dështim për vetë SHBA, për gjithë fondet e dhëna dhe investimin e saj. Andaj SHBA i dha shuplake Ramushit për ta këndellur, pasi me qëndrimet e tija po rrezikon të ardhmen e Kosovës dhe politikat strategjike amerikane?, ka përfunduar Mehemti për ?Bota sot?.





Lajmet e fundit nga