web counter
LEXO PA REKLAMA!

SHKARKO APP

App Store
Google Play

E fundit!

x

Majko: Vendimmarrja nën lobingun e biznesit është në nivelin e krimit

6 Janar 2018, 13:53, Aktualitet CNA

Ministri i Shtetit për Diasporën, Pandeli Majko i ftuar në emisionin “Përballë” në RTSH 1, zbulon arsyen që e pengon lëvizjen e lirë mes Shqipërisë dhe Kosovës dhe që praktikisht i bën marrëdhëniet mes dy vendeve të mbeten në nivelin e Abetares, ndërkohë që Kosova i afrohet 10 vjetorit të pavarësisë.

?Pas nesh qëndrojnë bizneset dhe bizneset na thonë ‘prit, kujdes, mos hap kufirin, se më duhet mua konçesioni atje, mos ma hap kufirin se më ul mua çmimin e mallrave, më duhet mua politika, se më intereson më mirë të hyjë malli nga ky drejtim se sa nga ai drejtim..

Pavarësisht se duket sikur po qeveris politika, gjithmonë e më tepër rregullin po e vendos biznesi. Sikur ta vendoste në foks të interesave ia kisha bërë hallall, por ngandonjëherë vendimmarrja nën lobingun e biznesit është për të qarë hallin dhe nëse ka një pamje të ulët të keqtrajtimit që biznesi po i bën politikës është moslënia e lëvizjes së lirë të njerëzve mes Shqipërisë dhe Kosovës, është në nivelin e krimit?, – tha Pandeli Majko.

Ministri i Shtetit për Diasporën i qëndron idesë se porti i Shëngjinit, një premtim i pambajtur i qeverisë Rama dhe i artikuluar edhe nga Majko vet, do të kishte ndikuar pozitivisht në marrëdhëniet mes dy vendeve.

?Duhet ta kishim dhënë prej kohësh, nuk u bë realitet. Nëse sot kosova do ta kishte portin e Shëngjinit gjërat do të ishin shumë ndryshe, qoftë në Shëngjin, qoftë në pikëpamje të marrëdhënieve ekonomike me Kosovën?, – u shpreh Majko. /CityNews





Lajmet e fundit nga