web counter
LEXO PA REKLAMA!

SHKARKO APP

App Store
Google Play

E fundit!

x

Portret-ditëlindja/ Fan Noli, personalitet shumë planësh

6 Janar 2018, 12:25, Aktualitet CNA

Shkrimtari Theofan Stilian Noli, i njohur si Fan Noli ka lindur më 6 janar 1882. Ai është i njohur për kontributin e tij në letërsi dhe mbështetjen politike për ecjen para të shtetit shqiptar.

Kujtojmë se në zgjedhjet e 5 prillit 1921 Noli zgjidhet deputeti i Kolonisë së Amerikës në legjislaturën e dytë (21 prill 1921 – 30 shtator 1923) dhe shërbeu si ministër i Jashtëm në qeverinë e Xhaferr Ypit, vetëm për pak kohë përpara se të dorëhiqej.

Ai ishte kryetar i Partisë Popullore, e majta e asaj kohe, kundrejt Partisë Përparimtare. Përkrah Luigj Gurakuqit dhe Stavro Vinjaut është ndër oratorët më shpotitës të foltores parlamentare.

Më 21 nëntor 1923, u emërua peshkop i Korçës ndërsa më 27 dhjetor 1923 zgjidhet deputet në këtë qark. Ai është emëruar dhe kreu i kishës së Durrësit. Marrja e Kryemitropolisë së Durrësit i dha Nolit titullin: Kryepeshkop i Durrësit, i Tiranës, i Elbasanit, i Gorës dhe i Shpatit, primat dhe ekzark i Ilirisë, i detit të Perëndimit dhe i të gjithë Shqipërisë.

Noli është çmuar dhe për krijimtarinë e tij letrare.

Vepra e parë e tij qe drama me tre-akte Izraelitë dhe Filistinë, e botuar në Boston 1907, ndërsa një sërë veprash të tjera i kanë dhënë peshën e një shkrimtari të njohur në Shqipëri dhe më gjerë.

Veprat:

Albumi-vëllim vjershash?1948,

Historia e Skënderbeut?1921,

Autobiografia ? 1960,

Bethoveni dhe Revolucioni Francez.

Fan Stilian Noli vdiq më 13 mars 1965, por ende krijimtaria e tij letrare vazhdon të lexohet dhe studiohet. /CityNews

 





Lajmet e fundit nga