E fundit!

09:46 Aktualitet

Fotolajm/ Vip-at e paguar nga Veliaj që protestojnë kundër Ramës

Një pjesë e personazheve publikë, të ashtuquajturit “VIP”-...

PD –ja në krizë drejtimi/ Protesta një modul që i shërben Ramës

3 Janar 2018, 09:24, Aktualitet CNA

Gazetari Ben Andoni në një analizë, kushtuar veprimeve të opozitës dhe konkretisht protestës që pritet të mbahet këtë muaj, ka thënë, se gjithçka shkon në favor të Kryeministrit Edi Rama.

Këtij të fundit i shkon për shtat protesta e opozitës për hedhur mjegull mbi rënien e vërtetë të ekonomisë, por jo vetëm.

?Ndërsa Edi Rama vazhdon me premtimet e tij optimiste, anatemat për Opozitën, që i dalin huq pasi ky fundviti tregoi realisht sesa të varfër janë shqiptarët.

INSTAT duke iu bazuar shifrave na rrëfeu se ka rënie të vërtetë të ekonomisë.

Mbi të gjitha mospasja e një modeli ekonomik të spikatur dhe shpresëdhënes e bën optimizmin e njerëzve të biznesit vendas dhe të huaj që të jetë në nivelet më të ulëta.

Ndaj organizimi i protestave vërtetë do mund ta trandë qeverinë e Ramës, por nëse ato nuk janë të vazhdueshme dhe potente, shoqëruar edhe me slogane të drejta dhe kanalizim të nevojave të vërteta, atëherë mund të konsiderohen si një ndihmë për qeverinë Rama?, ka shkruar Andoni.

Sipas të njëjtit, Kryeministri është mjeshtër që arsyet e dështimeve të tij ekonomike t?i adresojë kah opozitës dhe konfuzionit të tyre, që duhet thënë s?është i pakët që pas paktit PS-PD ende të pazbardhur zyrtarisht.

?Kjo qeveri ka ardhur koha të marrë mesazhe të qarta, që nuk mund të vazhdojë me fjalë dhe propagandë vizive, por duhet të ulë kokën dhe të japë alternativa të besueshme dhe të realizueshme.

Ja pse çdo veprim i pamatur dhe thjesht zhurmë i Opozitës mund ta ndihë Ramën të vazhdojë i qetë në këtë mandat, duke bërë ata fajtor për gjendjen.

Ndërkohë që Opozitës i ka mbetur dhe një detyrë bajagi e madhe për të zgjidhur. Dhe, kjo ka të bëjë pa asnjë dyshim me refleksionin për humbjen. Sa më përfundimtare dhe e qartë do jetë ajo, aq më shumë e besueshme do jetë PD-ja, që tashti vuan një krizë edhe më të madhe drejtimi sesa vetë ekonomia e vendit?, ka shkruar më tej gazetari Ben Andoni./CityNews