web counter
LEXO PA REKLAMA!

SHKARKO APP

App Store
Google Play

Qëlluan me armë në lagjen ku ndërroi jetë 16-vjecari/ Në pranga tre të rinj

2 Janar 2018, 10:21, Aktualitet CNA

Tre të rinj kanë rënë në prangat e policisë së Kurbinit, pasi akuzohen se qëlluan me armë në ajër, në lagjen ku ndërroi jetë një 16-vjecar, një natë më parë.

Të rinjtë po hetohen në lidhje me vrasjen e 16-vjeçarit K.Gj nga Laçi, i cili u gjet i vdekur nga familjarët në tarracën e shtëpisë në natën e ndërrimit të viteve.

Dyshohet se tre të rinjtë e arrestuar mund të kenë qënë personat që e kanë qëlluar me armë.

Policia thotë se të rinjtë që udhëtonin me një makinë kanë qëlluar të paktën 19 herë në lagjen Sanxhak, ku kishte dalë për të parë festën e fishekzjarrëve 16-vjeçari.

Njoftimi i policisë:

Nga Specialistët për Hetimin e Krimit në Komisariatin e Policisë Kurbin, u bë arrestimi në flagrancë i tre shtetasve, si dhe shpallja në kërkim e një tjetri dhe konkretisht :

Arrestimi i tyre u bë pasi më datë 01.01.2018 në orën 00:30, këta tre shtetas dyshohet se duke lëvizur me automjetin tip Benz që drejtohej nga Alban Lika, në Sanxhak, kanë qëlluar me armë zjarri.

Automjetit ja kishin hequr targat kur kanë qëlluar me armë zjarri.

Në cilesinë e provës materiale u sekuestrua automjeti së bashku me targat të cilat u gjetën në bagazhin e automjetit, 19 gëzhoja dhe një fishek model 56, kalibri 7.62. mm.
??
Gjithashtu u bë shpallja në kërkim policor
e shtetasit :

Gj.S., 23 vjeç, banues në Kurbin.

Shtetasi i lartpërmendur u shpall në kërkim nga Policia, pasi më datë 01.01.2018, rreth orës 00.25, duke drejtuar automjetin e tij tip Benz, dyshohet se ka qëlluar me armë zjarri në qytetin e Laçit dhe më pas ka braktisur mjetin në një lavazh, dhe është larguar.

Gjatë kontrollit të automjetit u gjetën 2 fishekë luftarakë dhe një gëzhojë model 56 kalibri 7.62 mm.

Vijon puna për kapjen e shtetasit të shpallur në kërkim.

Materialet i kaluan Prokurorisë Pranë Gjykatës së Shkallës së Parë Kurbin për veprime të mëtejshme për veprat penale ? Prodhimi dhe mbajtja pa leje e armëve luftarake dhe e municionit ? dhe ?Prishja e qetësisë publike?, parashikuar nga nenet 278 dhe 274 të Kodit Penal./ CityNews





Lajmet e fundit nga