web counter
LEXO PA REKLAMA!

SHKARKO APP

App Store
Google Play

E fundit!

x

Ish-ministri i Ramës akuzon policinë/ Nuk ka më asnjë lidhje me ligjin, terrorizon njerëzit pa mëshirë

2 Janar 2018, 09:21, Aktualitet CNA

Ndalimi i një aktivstje të opozitës në pikën kufitare të Morinës ka ngjallur reagime të shumta. Në lidhje me këtë ngjarje ka reaguar edhe ish-ministri i Drejtësisë në qeverinë ?Rama 1?, Ylli Manjani, i cili nëpërmjet një postimi në rrjetet sociale akuzon policinë për ndalimin e aktivistes opozitare.

Manjani shkruan se kjo është një polici politike, e cila nuk ka më asnjë lidhje me ligjin.

Sipas Manjani,  policia i ndan nga familjet pa asnjë mëshirë njerëzore në mes të festës së vitit të ri.

Reagimi i plotë i Manjanit:

Asnjë surprizë!

Policia politike po vepron siç pritej. Ndalon njerëz vetëm për arësye politike! I ndan nga familjet pa asnjë mëshirë njerëzore në mes të festës së vitit të ri!

Ligji ska më asnjë lidhje me këtë sjellje! Sa për sqarim, policia mund të ndalojë dhe të shoqërojë dikë ose në kushtet e një emergjence (nevoje të ngutshme nga një rrethanë e atëçastshme),ose në zbatim të një vendimi gjykate (as urdhëri i prokurorit nuk mjafton më).

Në cilën prej këtyre rrethanave u ndaluan ato njerëz ditët e festave?!!!

Thonë se janë ndaluar për pjesmarrje në demonstratë. Po kjo ishte para 10 ditësh?!

Kjo quhet as më pak e as më shumë TERROR SHTETËROR!

Policia po kërcënon se kush del në demonstratë do arrestohet! Kulmi!

Për herë të fundit këto histori i dëgjuan në vitin 1990, ku edhe policia, organizatat e partisë dhe Komitetet e Rinisë bënin fiks të njëjtin terrorr.

Nuk zënë mend komunistët rilindas! Bëjnë të njëjtin gabim, si atëhere!

Ta gëzojmë policinë politike!/ CityNews





Lajmet e fundit nga