web counter
LEXO PA REKLAMA!

SHKARKO APP

Fotoja, 500 mijë dollarëshe Basha -Trump/ Zbulohet kush i pagoi paratë

30 Dhjetor 2017, 12:00, Aktualitet CNA

Kryeprokurorja e re Arta Marku, pak ditë më parë i urdhëroi vartësit e saj që të mos heqin dorë nga hetimet, pavarësisht se cilit nivel i përkasin.

Në  hetime, në muajin nëntor është vënë dhe kreu i PD ?së, Lulzim Basha, i cili dyshohet se kryer pastrim parash, nëpërmjet lobimit te kompanitë amerikane.

Sot, u raportua, se Prokurori Gjergji Tako, i cili po heton  ?lobimet e Bashës?, i është drejtuar SHBA-së me një letër porosi për të zbardhur mënyrën e pagesës së fotos Basha ?Trump. Kjo pagesë sipas burimeve të Report Tv është bërë përmes mbledhjes së fondeve nga një shoqatë.

Hetuesit dyshojnë se kjo pagesë u bë për lobim për foton e Lulzim Bashës me presidentin amerikan Donald Trump dy javë përpara zgjedhjeve të 25 qershorit

Sipas verifikimeve të Prokurorisë, PD ka pasqyruar transaksionin nëpërmjet thesarit të shtetit.

Basha dyshohet se ka paguar plot 500 mijë USD, për të siguruar takimin fotografik me Donald Trump.

Këto  kontrata janë depozituar në departamentin e drejtësisë në SHBA, ndërsa faksimilet e tyre janë publikuar në Shqipëri nga BIRN.

Në vijimësi Bashai ka cilësuar si politike, akuzat në lidhje me pagesat tek kompanitë amerikane.

?Kjo fotoja nuk ka kushtuar asnjë qindarkë dhe është e paçmueshme ashtu siç ishte takimi me liderin e botë së lirë presidentin Donald Trump. Ne nuk do lejojmë që paqëndrueshmëria dhe ndërhyrja brutale e Ramës të cenojë marrëdhëniet mes Shqipërisë dhe SHBA-së?, është shprehur para zgjedhjeve të 25 qeshorit, Basha.

Por verifikimet dhe hetimet e Prokurorisë, se pagesa 500 mijë dollarë për foton me Trumpin është bërë nga një shoqatë kanë treguar të kundërtën./CityNews

 





Lajmet e fundit nga