web counter
LEXO PA REKLAMA!

SHKARKO APP

App Store
Google Play

Këlliçi: Qytetarët janë të revoltuar me udhëheqësit e PD-së

30 Dhjetor 2017, 11:05, Aktualitet CNA

Kreu i Forumit Rinor të Partisë Demokratike, Belind Këlliçi, i ftuar në studion e lajmeve të Report TV, teksa ka komentuar protestat e opozitës dhe situatën politike, ka folur dhe për skenarin e opozitës në protestat e janarit.

?Protestat kanë qenë paqësore dhe nuk ka pasur probleme me policinë edhe pse mund të jenë provokuar. Skenarët do të vendosen ditët e para të janarit. Nuk është i rëndësishëm skenari, se a do të ketë një çadër të dytë apo do të rrethohet qeveria, parlamenti, por sensibilizimi I qytetarëve është primar. Do të vazhdohet bashkëbisedimi me qytetarët do të dëgjohen ankesa e tyre? është shprehur Belind Këlliçi.

Më tej Këlliçi është shprehur se nga protesta e 18 dhjetorit kanë mbetur dhe qytetarë të zhgënjyer nga udhëheqësit e PD-së, pasi kanë kërkuar një zgjidhje të situatës.

?Qytetarët janë dhe të revoltuar me udhëheqësit e Partisë Demokratike, sepse thonë që duhet të na udhëhiqnit më mirë dhe të gjenim një zgjidhjeje.

?Ka pasur dhe demokratë skeptike se mos po e ekzagjerojnë me akuzat ndaj Qeverisë. Ata demokratë janë bindur, se kemi parë rastin Tahiri, hetimet nga drejtësia italiane etj. Shqipëria është shndërruar në Kolumbi. Ne jetojmë në një narkoshtet dhe të gjitha më pas janë të lidhura zinxhir?, ka thënë Këlliçi. /CityNews





Lajmet e fundit nga