E fundit!

07:46 Ekonomi

Çmimet e konsumit në të gjithë Evropën/ Vendet më të shtrenjta dhe më të lira, ja ku renditet Shqipëria

Nga Islanda në Maqedoninë e Veriut, çmimet e konsumit ndry...

Lobimet e Bashës në SHBA / Prokuroria thellon hetimet

30 Dhjetor 2017, 11:22, Aktualitet CNA

Prokuroria e Tiranës është vënë në lëvizje, duke thelluar hetimet në lidhje me lobimet 1 milion dollarëshe të kreut të PD ?së Lulzim Basha me kompanitë amerikane.

Së fundmi Prokuroria Tiranës, nëpërmjet prokurorit Gjergji Tako, i është drejtuar SHBA ?së me një letër porosi për të zbardhur detaje mbi pagesën prej 500 mijë dollarë që është bërë në Amerikë për llogari të PD.

Kjo pagesë mësohet se është bërë nga një mbledhje fondesh e një shoqate.

Hetuesit kanë ngritur dyshimet, se kjo pagesë u bë për lobim për foton e Lulzim Bashës me presidentin amerikan Donald Trump dy javë përpara zgjedhjeve të 25 qershorit.

Sipas verifikimeve të Prokurorisë në Shqipëri, PD i ka bërë transaksionet nëpërmjet thesarit.

Që në muajin nëntor, organi i akuzës ka nisur verifikimet rreth kësaj kontrate, ku dyshohet se selia blu i ka paguar kompanive të lobimit në SHBA 1 milionë dollarë përmes kompanive off shore për të siguruar mbështetjen politike nga Uashingtoni.

Të dhënat e publikuara në media treguan se pagesat për kompaninë e lobimit u bënë nëpërmjet dy kontratave të lidhura në fund të marsit nga Partia Demokratike dhe një kompani guackë e regjistruar në Skoci me emrin ?Biniatta Trade LP?- të cilat kapin një vlerë totale prej 675 mijë USD dhe ku përfshihen tarifat mujore të firmës si dhe pagesat për shpenzimet e saj.

Kontrata e drejtpërdrejtë e PD-së me ?Stonington Strategies? është raportuar në Departamentin e Drejtësisë në SHBA që në muajin mars, ndërsa kontrata me ?Biniatta Trade LP? është mbajtur e fshehur për disa muaj dhe është raportuar në mesin e muajit nëntor.

Nëpërmjet këtyre pagesave të majme, ?Stonington Strategies? ka kërkuar dhe planifikuar takime për lidershipin demokrat me zyrtarë të stafit të presidentit amerikan, Donald Trump, anëtarë të Kongresit si dhe ka ndërmarrë kontakte në median amerikane ? përfshirë një intervistë të kreut të PD-së, Lulzim Basha me portalin e ?Breitbart News?./CityNews