web counter
LEXO PA REKLAMA!

SHKARKO APP

App Store
Google Play

Furtunë në prokurori/ Arta Marku shkarkon të emëruarit e Llallës

29 Dhjetor 2017, 12:10, Aktualitet CNA

Prokurorja e Përgjithshme e përkohshme, Arta Marku ka nisur furtunën e shkarkimit të njerëzve të ish Kryeprokurorit Adriatik Llalla. Fillimisht ajo ka nënshkruar ndryshimin e parë në stafin drejtues të institucionit, ku shefe e re e kabinetit të Kryeprokurores është Alketa Zylfa.

Më pas ajo ka nënshkruar shkarkimin e Prokurores Rovena Gashi, e cila mbante pozicionin e Drejtorit të Drejtorisë së Marrëdhënieve Juridiksionale me Jashtë. Kështu që nga e premtja, prokurori i Prokurorisë së Përgjithshme, Arqile Koça, është emëruar Drejtor i Drejtorisë së Marrëdhënieve Juridiksionale me Jashtë, në përbërje të të cilës është edhe Sektori për ?Verifikimin e integritetit të zyrtarëve.

Prokurorja Rovena Gashi njihej si krahu i djathtë i ish-kryeprokurorit Adriatik Llalla. Pak ditë më parë Rovena Gashi dërgoi në KQZ kërkesën për heqjen e mandatit të dy deputetëve, Aqif Rakipi i PDIU-së dhe Gledion Rehociva i LSI-së.

Dritan Rreshka është komanduar në krye të Prokurorisë së Tiranës. Në krye të kësaj Prokurorie deri më tani ka qëndruar prokurori Petrit Fusha, i cili qe komanduar nga ish kryeprokurori Adriatik Llalla. Mësohet se prokurori Fusha do vijojë detyrën e prokurorit në Prokurorinë e Përgjithshme./ CityNews





Lajmet e fundit nga