web counter
LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e Agim Sallakut/ Iku në heshtje, plot dinjitet dhe pa bujë nga kjo botë

28 Dhjetor 2017, 17:53, Aktualitet CNA

Ndarja nga jeta e doktorit Agim Sollaku ka sjellë një sërë reagimesh nga fusha të ndryshme të jetës.

Drejtuesi i portalit “JavaNews.al” Skënder Minxhosi, me anë të një komenti lidhur me largimin nga jeta të doktorit Agim Sallakut, shprehet i pikëlluar nga lajmi i marrë, ndërsa e quan doktor Agimin si një mik të mirë të tijin dhe shumë shqiptarëve. Ai shprehet se, “Iku në heshtje, plot dinjitet dhe pa bujë nga kjo botë, të cilës i dha përkushtimin që vetëm mjekët onkologë dinë ta japin.”.

Minxhozi shkruan se, “Duke bërë shaka me njëri-tjetrin, e pyesja se kushedi sa histori të trishta dhe tragjike kishte parë e dëgjuar në mbi 35 vjetët e profesionit. Dhe Gimi tundte kokën, si për ta kaluar lehtë e me një të buzëqeshje të pafajshme, atë që në fakt ishte beteja e tij e përditshme me vdekjen.”, ndërsa shton se çdokush do ta kishte zili karrierën dhe shpirtin e madh të doktor Sallakut.

Në përmbyllje të komentit të tij, gazetari Skënder Minxhosi, shkruan:

“Doktor Gimi na la pas ne miqve të tij, një grumbull të stërmadh kujtimesh e copëzash jete, të cilat nuk na lenë të qetë këto orë, kur hidhërimi mposht arsyen dhe kur boshllëku të heq nga goja fjalët e ngushëllimin. Por Agim Sallaku mund të ikë i qetë nga kjo botë, sepse ka lënë pas emrin e mirë të mjekut të përkushtuar, ai la pas përpjekjen shumëvjeçare dhe të palodhur në shërbim të jetës.

Mijëra jetë të shpëtuara apo të ndihmuara për t?i ikur vdekjes, janë një trashëgimi unike, që jo kushdo ja le pas familjes dhe shokëve e miqve, kur ndahet nga jeta. U prehsh i qetë Doktor!” /CityNews





Lajmet e fundit nga