E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Manastirliu ngushëllon familjet e Agim Sallakut dhe Arben Runës/ "Mesazhi i fundit që më dërgoi Profesor Sallaku"

28 Dhjetor 2017, 16:09, Aktualitet CNA

Ministrja e Shëndetësisë, Ogerta Manastirliu ka ngushëlluar familjen e Doktor Agim Sallakut, Doktor Arben Runës, të cilët ditën e sotme janë ndarë nga jeta.

“E sotmja është një ditë e dhimbshme për Mjekësinë shqiptare, për të gjithë ne!”, është shprehur Manstirliu.

Ajo ka rikujtuar edhe mesazhin e fundit që kishhte shkëmbyer me Doktor Sallakun.

“Filloi instalimi i akseleratorit të dytë. Jam i lumtur!”, i kishte shkruar profesori tashmë i ndjerë Manastirliut.

“Fatkeqësisht, në ditët e tij të fundit, viti që po mbyllet mori prej nesh, dy mjekë të shkëlqyer, profesionistë të jashtëzakonshëm, Profesor Agim Sallakun, Drejtuesin e Shërbimit të Onkologjisë shqiptare dhe Doktor Arben Runën, Kirurg Traumatolog, me një eksperiencë shumëvjeçare, pranë Spitalit Universitar të Traumës. Lajmi i ndarjes së parakohshme nga jeta, të dy personaliteteve të mjekësisë shqiptare, Profesor Sallakut dhe Doktor Runës, është fort i hidhur.

Me profesor Sallakun më mbetet kujtimi i një bashkëpunimi të shkëlqyer, që pata gjatë katër viteve që drejtova Qendrën Spitalore Universitare “Nënë Tereza”. Në 19 nëntor mora prej tij, mesazhin – që fatkeqësisht do të ishte edhe i fundit – për projektin e fuqizimit të radioterapisë në Spitalin Onkologjik.

Më shkruante: “Filloi instalimi i akseleratorit të dytë. Jam i lumtur!”.

Edhe pse të dy mjekët e nderuar fituan beteja të panumërta me sëmundjet për pacientët e tyre, fatkeqësisht nuk mundën të fitojnë të fundit, betejën e tyre. Sot familjet kanë humbur të dashurit e tyre, ndërsa mjekësia shqiptare dhe shoqëria jonë ka humbur dy personalitete, mjekë të pazëvendësueshem, puna e të cilëve, jam e sigurt do të çohet përpara nga kolegët dhe studentët e tyre, që me aq pasion i kanë mbështetur dhe përgatitur.

U shpreh ngushëllimet më të sinqerta familjeve të Profesor Sallakut dhe Doktor Runës dhe jam pranë tyre në këto momente të vështira të humbjes së njeriut të dashur”, është shprehur Manastirliu./Citynews