E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Reforma zgjedhore një detyrim moral/ Qytetarët nuk kanë besim te politika

28 Dhjetor 2017, 15:24, Aktualitet CNA

“Reforma zgjedhore është një detyrim moral ndaj qytetarëve”, janë fjalët që kryetari i Partisë Agrare Ambientaliste, Agron Duka, ka përdorur në një koment të tijin për situatën aktuale politike në përmbyllje të këtij viti.

Në opinion e dhënë për gazetën “Panorama”, Duka shprehet se viti 2017 nuk ishte i lehtë, dhe sipas tij thelbi i vështirësive buron nga sëmundjet që kanë karakterizuar politikën shqiptare në 27 vite tranzicion, ndërsa ajo që ka tërhequr vëmendjen më të madhe në këtë vit, ka qenë pjesëmarrja e ulët në zgjedhje.

“Nga rezultatet e KQZ-së, u kuptua se kishte një rënie të votuesve prej 6,7 për qind, krahasuar me zgjedhjet e vitit 2013; njëqind e dhjetë mijë qytetarë më pak, e thënë ndryshe, gati një qark më pak. Ndonëse jam i bindur për cilësinë mjerane të zgjedhjeve dhe abuzimeve të maxhorancës në këtë proces, kjo rënie drastike votash thotë shumë për shëndetin e demokracisë sonë. Rënia e pjesëmarrjes nuk është vetëm simptoma e keqqeverisjes, largimit të qytetarëve nga vendi si pasojë e varfërisë endemike, e cila godet sidomos zonat rurale; keqmenaxhimit të procesit zgjedhor dhe shitblerjes së votës; por, mbi të gjitha, është simptomë e një krize besimi ndaj politikës.”, – shprehet Duka.

Në vijim kreu i PAA-së, thotë se fajtorë për këtë është e gjithë klasa poltike, por zgjidhje është reforma zgjedhore, e barabartë që të mund të kthejë besimin e qytetarëve tek politika. Ai shton se faktor ndikues në një arritje pozitive do të ishte përfshirja e shoqërisë civile, OJQ-ve, sindikatave, e shoqatave profesionale, e organizatave fetare, e mediave, e shoqatave të studentëve dhe e grupimeve të tjera aktive në vend.

Në përfundim ai shprehet se, “Nëse arrijmë të garantojmë, edhe me mbështetje të partnerëve ndërkombëtarë, një reformë që të mundësojë zgjedhje të lira dhe cilësore, do të kemi krijuar kushtet për rigjallërimin e jetës politike në vend. Bindja se vota e tyre do të ketë sërish vlerë, se vullneti i tyre nuk do të tjetërsohet, do t?i risjellë qytetarët në jetën politike dhe, sigurisht, do të prodhojë qeveri më pak arrogante dhe më të përgjegjshme.” /CityNews