web counter
LEXO PA REKLAMA!

SHKARKO APP

App Store
Google Play

Petrit Vasili thirrje qytetarëve: Mësyni drejt ministrive...

28 Dhjetor 2017, 17:03, Aktualitet CNA

Kryetari i grupit parlamentar të Lëvizjes Socialiste për Integrim (LSI), Petrit Vasili, ka zhvilluar ditën e sotme një bashkëbisedim me gazetarët.

Teksa është pyetur lidhur me qëndrimin e opozitës lidhur me protestën e punëtorëve të rafinerisë së naftës, Vasili u shpreh se është e dhimbshme që të mos marrësh paratë e djersës dhe të gjakut tënd.

“Është një moment i dhimbshëm në radhë të parë, pasi njerëz të cilët robtohen në punë dhe pa e ekzagjeruar aspak e fitojnë me gjak dhe me djersë bukën e tyre detyrohen të punojnë dhe të mos paguhen për këtë mund dhe djersë që ata derdhin në kushte mjaft të vështira. Çështja është shumë e thjeshtë. Kemi një shtet i cili ka dalë nga shinat e qeverisjes. “, – tha Vasili.

Ai shkoi më tej ku kërkoi nga të gjithë qytetarët që të mësyjnë drejt kryeqytetit dhe ministrive që nuk funksionojnë.

“Njerëzit duhet të marshojnë drejt Tiranës, drejt ministrive që nuk funksionojnë, që merren me dëngla politike nga mëngjesi deri në darkë, që merren me mashtrime pa fund duke treguar një ekonomi që funksionon, e cila në fakt nuk po funksionon. Është një provë se si nuk ka rregullim shtetëror, nuk ka respektim të ligjeve, ka një abuzivitet dhe një dhunim. Thjesht dhe qartë kemi një pabarazi shumë të rëndë politiko-shoqërore, e cila ka të bëjë me dy standarde. Një standard pasurimi, përkrahjeje, dashamirësie, dashurie pa fund po të doni, për miqtë e Kryeministrit dhe klientët e tij dhe në anën tjetër është një pabarazi shumë e rëndë shoqërore për këta qindra punonjës, të cilët duhet të fitojnë me djersë dhe me gjak bukën e tyre dhe kjo iu mohohet.”, – tha Vasili, ndërsa shtoi se kjo është prova e se shteti ka vdekur së funksionuar. /CityNews





Lajmet e fundit nga