E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Deputeti Fate Velaj konkurron për ekspozita kryeministrin Edvin

28 Dhjetor 2017, 18:13, Aktualitet CNA

Në 29 dhjetor 2017 në vigjilje të Vitit të Ri politikani dhe artisti i mirënjohur Fate Velaj hap një ekspozitë pikture të titulluar ?Fytyra përtej identitetit? (Il volte oltre l?identita). Ekspozita hapet në ambjentet e Kështjellës së famshme Aragoneze në qytetin e Otrantos. Ekspozita fotografike do të qëndrojë e hapur deri në 4 mars 2018. I ftuar special për hapjen e ekspozitës është këngëtari çetnik serb Goran Bregovic, njëkohësisht mbajtës i Celësit të Tiranës. Ekspozita është hapur nën kujdesin e fotografes dhe artistes së famshëm Giusi Giaracuni. Në hapjen e ekspozitës do të marrin pjesë disa nga VIP-at e kulturës dhe politikës së së Lecces. Përmendim këtu kryebashkiakun e Otrantos Pierpaolo Cariddi, drejtoreshën e kulturës dhe turizmit për Rajonin e Puljes Loredana Capone, drejtorin e bibliotekës dhe muzeut të Provincës së Leces Luigi De Luca. Ekspozita pas Otrantos do të hapet edhe në Brindizi e Bari.

Hapja e kësaj ekspozite nga deputeti Velaj është shumë sinjifikative, sepse kjo ekspozitë nuk hapet me paratë e taksapaguesve shqiptarë, apo me shkëmbim favoresh të tipit ti më hap ekspozitë në Firence dhe unë i jap miliona euro të shqiptarëve vëllait tënd arkitekt allasojshe! Kjo ekspozitë hapet thjesht për vlerat e jashtëzakonshme të fotove të deputetit Velaj. Theksojmë se Fate Velaj është figurë poliedrike thuajse sa kryeministri Edvin. Fateja është edhe politikan (deputet i Qarkut të Vlorës) edhe piktor, edhe fotograf edhe shkrimtar, ndërsa kryeminsitri Edvin është vetëm piktor, sportist dhe politikan. Kuptohet deputet Fateja është inferior vetëm në arsimim në krahasim me kryeministrin Edvin, sepse Fateja ka kryer vetëm shkollën e mesme, ndërsa Edvini ka kryer 3 vite studime në ILA dhe është diplomuar mësues vizatimi për shkollat 8-vjecare. Pjesëmarrja e Goran Bregovicit në përurimin e ekspozitës në fjalë në kuadrin e përmbledhjes ?Agimi i Popujve? (Alba dei Popoli) tregon se njëlloj si kryeministri Edvin edhe deputeti socialist Velaj ka kontakte shumë të mira me ajkën e përfaqësuesve të kulturës bashkëkohore të popullit mik serb!

Për ata, që duan të mësojnë më shumë për këtë sukses të deputetit artist Fate Velaj dhe të kulturës shqiptare në përgjithësi ofrojmë linku: http://www.leccesette.it/dettaglio.asp?id_dett=49231&id_rub=129

GJERGJ THANASI