web counter
LEXO PA REKLAMA!

SHKARKO APP

App Store
Google Play

E fundit!

x

Poli i tretë drejt formimit/ Agron Duka prezanton lëvizjen e re

23 Dhjetor 2017, 17:25, Aktualitet CNA

Një bosht i ri politik, në të cilin do të bëjnë pjesë 10 parti do te jetë shumë shpejt në politikën shqiptare.

Deklarata është bërë nga kreu i Partisë Agrare Ambientaliste, Agron Duka, në një intervistë për gazetën ?Koha Jonë?.

Duka është shprehur se platforma kryesore e këtij boshti do të jetë reforma zgjedhore.

Gjithashtu ai deklaroi se nëse PD dhe Lulzim Basha nuk do të reflektojnë për reformën zgjedhore, PAA dhe grupimi i ri politik do të shqyrtojë pozicionet e tyre.

Agron Duka gjithashtu është shprehur se si pasojë e dinamikave që morën ngjarjet gjatë këtij vitit dhe efektet që ato patën mbi partitë alternative, kanë vendosur të hedhin hapa, të cilët do të konkretizohen duke nisur nga janari i ardhshëm.

?Mund të them se rezultati i parë do të jetë krijimi i një boshti prej 10 partish, parlamentare dhe joparlamentar dhe bashkërisht do të prezantojmë një platformë me propozime konkrete?- tha Duka.

Sipas Dukës, ideja e një poli të tretë apo të qendrës, në thelbin e saj ka edhe një efekt tjetër pozitiv, limiton mazhorancat e plota nga një forcë e vetme

?Eksperiencat kanë treguar që mazhoranca, sidomos aktualja, sillen me arrogancë dhe për të frenuar këtë sjellje është e rëndësishme të ketë një ekuilibër në çdo mazhorancë të ardhshme.?- ka deklaruar kreu i PAA.

Kujtojmë këtu se disa ditë më parë, Duka ishte ideatori i një takimi me pesë kryetarë të partive opozitare, kreun e FRD, Bamir Topi, kreun LIBRA, Ben Blushi, kreun e LZHK Dashamir Shehi, kreun e PDK, Nard Ndoka dhe kreun e PBDNJ, Vangjel Dule./ CityNews





Lajmet e fundit nga