Pacientët shqiptarë në Itali: Fukarallëk, maskarallëk

23 Dhjetor 2017, 18:59, Aktualitet CNA

Rajoni i Piemontit po ndeshet me një fenomen problematik në fushën e shëndetësisë. Gjithfarë të huajsh me statusin e vizitorit (turistit) kryejnë analiza mjekësore, kura madje edhe operacione në spitalet e Torinos dhe qyteteve të tjera të rajonit dhe zhduken pa paguar për shërbimin mjekësor, që kanë marrë. Vetëm gjatë tre viteve (2013-2015) të tillë turistë u kanë shkaktuar vetëm institucioneve mjekësore në Piemont një dëm prej 2,2 milion eurosh.

Si zakonisht, kur bëhet fjalë për fenomene të shëmtuara shqiptarët zënë vendin e parë. Ky vend i parë turpi i shqiptarëve na çudit, sepse pas 4 vjetësh e kusur reformash të sukseshme të Rilindjes (Beqja-Konomi-Manastirliu), pas gjithë atyre koncesioneve e parteritetesh publik-privat, pasi shëndetësia u bë falas si në kohën e Komandatit legjendar Dullës, përsëri shqiptarët batakçinj shkojnë e mjekohen në Itali dhe nuk paguajnë për shërbimin që marrin.

Çudi vërtet çudi! Nuk duan shëndetësi falas në Shqipëri, por bëjnë batakçiun mjekësor në Itali, ku shëndetësia ndryshe nga Shqipëria fatkeqësisht është me pagesë! Në listën e turpit vetë në 3 vite në Rajonin e Piemontit kemi në vend të parë shqiptarët me 226 raste, në vend të dytë rumunët me 93 raste (reth 2 herë e gjysënm më pak) dhe në vend të tretë marokenët me 33 raste. Është turp për shqiptarët, që megjithë shëndetësinë e rilindur sukseshëm prapë se prap bëjnë batakciun (fukarallëk-maskarallëk) në spitalet e klinikat italiane 7 herë më shumë se marokenët e ardhur nga Afrika Veriore!

Rajoni i Peimontit i përfaqësuar nga zyra e asesorit për shëndetësinë (drejtori i shëndetësisë) i është drejtuar zyrtarisht me shkrim Ambasadës së Shqipërisë në Romë, për këtë problem të pacientëve shqiptarë. Në shkrimin tonë po pasqyrojmë tekstualisht kërkesën e autoriteteve shëndetësore të Piemontit drejtuar ambasadës sonë në Itali, kuptohet duke hequr emrat e disa prej pacientëve, që kanë ikur në drejtim të paditur pa paguar për shërbimin shëndetësor të marrë në institucionet shëndetësore të Rajonit të Piemontit. Teksti i kërkesës:

«Gentile ambasciata, vorremmo poter rintracciare le persone che non hanno pagato per il ricovero e soprattutto essere certi che siano cittadini della Repubblica d?Albania. Chiediamo i loro nomi e cognomi per effettuare questa ricerca e poter dare riscontro alla vostra richiesta».

Shpresojmë që ambasada jonë ta ketë informuar Minsitrinë e Jashtme për këta bashkëatdhetarë tanët, që nuk kanë besim në shëndetësinë e rilindur shqiptare gjatë këtyre viteve, por na qisin bojën e i prishin emrin e mirë shëndetësisë sonë nëpër spitalet e klinikat e Italisë fqinje! /Gjergj Thanasi /CityNews