web counter
LEXO PA REKLAMA!

SHKARKO APP

App Store
Google Play

E fundit!

x

A do ti djegë mandatet PD? / Paloka zbulon tre skenarët

23 Dhjetor 2017, 18:06, Aktualitet CNA

Numri dy i Partisë Demokratike, Edi Paloka duket se është në të njëjtën linjë me ish-kryeministrin dhe ish-kreun e PD, Sali Berisha, për sa i përket djegies së mandateve të deputetit.

Në një intervistë për News 24, Paloka thotë se nuk përjashtohet as skenari më ekstrem ai i djegies së mandateve.

Sipas tij, edhe bojkoti është një opsion por vendimmarrja i takon forumeve të selisë blu.

Paloka siguron se marrëdhënia me Parlamentit nuk do të jete më normale.

?Siç ka thënë edhe kryetari i Partisë Demokratike janë realisht tre skenarë që i kemi diskutuar edhe në mbledhje të grupit.

Për të tre opsionet ka pasur deputetë që i kanë mbështetur. Duke filluar që nga djegia e mandateve, qëndrimi në sallën e Parlamentit (një qëndrim që nuk do lejojë zhvillimin e seancave normale në një Parlament që ka humbur legjitimitetin e tij) dhe një variant i përdorur disa herë nga opozita që ka pasur raste që ka rezultuar i suksesshëm, siç ka qenë bojkoti.

Unë vetë do e jap mendimin në forume, por mendoj se e rëndësishme është që çdo deputet dhe çdo demokrat ta kuptojë se në atë Parlament nuk mund të ketë marrëdhënie normale, pastaj rrugën që do zgjedhim duhet ta vendosin forumet?– ka deklaruar ndër të tjera Paloka./ CityNews





Lajmet e fundit nga