E fundit!

12:20 Kronika

Atentati i 30 qershorit në Korçë/ Arrestohet vëllai i autorit, në pranga dhe i plagosuri

Një nga personat e shpallur në kërkim për plagosjen e shte...

Prag festash/ Meta dekoron personazhe të shquara të Beratit

22 Dhjetor 2017, 19:34, Aktualitet CNA

Presidenti i Republikës, Ilir Meta nderoi sot gjatë një ceremonie të veçantë të organizuar në Qendrën e Kulturës së qytetit të Beratit, Iliaz Vrionin (pas vdekjes) me Dekoratën ?Gjergj Kastrioti Skënderbeu?: ?Për rolin e pazëvendësueshëm në Shpalljen e Pavarësisë dhe konsolidimin e shtetit shqiptar dhe në vlerësim të kontributeve si Kryeministër, Ministër i Jashtëm dhe si përfaqësues i shquar i Beratit, duke mbrojtur, zhvilluar dhe propaganduar interesat më të rëndësishme të Shqipërisë si dhe vlerat më të arrira të identitetit tonë kombëtar?.

Gjithashtu Presidenti i Republikës vlerësoi me Titullin ?Për merita të veçanta civile? zotin Çlirim Mukli, zotin Zino Matathia, zotin Eduart Shabani, zotin Kozma Brisku si dhe zonjën Virgjini Mile.

Në fjalën e Tij, Presidenti Meta u shpreh:

“Beratit nuk i kanë munguar në shekuj shembujt e angazhimit dhe kontributi i bijve të vet në fatet e komunitetit, krahinës dhe të vendit.

Muzakajt, Onufri, Vexhi Buharaja, Iliaz Vrioni, Kristaq Tutulani, Bab Dud Karbunara, Sotir Kolea, Margarita Tutulani dhe shumë e shumë figura të tjera që janë pafund janë pjesë e krenarisë kombëtare të shqiptarëve.

Ne përkulemi me nderim të thellë para veprës së gjithësecilit.

Lista e tyre është e pafund, por sot, si President i Republikës, në pamundësi për t?i vlerësuar të gjithë do të doja të shprehja mirëkuptimin tim me propozimet e Kryetarit të bashkisë për disa nga këto personalitete.

Në radhë të parë do të përzgjidhja nga historia e famshme e qytetarëve të shquar beratas z. Iljaz Vrioni. Një nga patriotët e ndritur të firmosjes së pavarësisë, Kryeministrin dhe Ministrin e Jashtëm që hodhi themelet e Shtetit të ri shqiptar dhe lidhjeve të tij me botën e jashtëme. Birin e Beratit që bëri do çdo gjë për gjuhën dhe identitetin kombëtar, i cili është dekoruar edhe Republika Franceze me urdhrin e lartë ?Oficer i Legjionit të nderit?.

Ne sot shpalosëm në sheshin e qytetit gjithashtu edhe pllakën ku ky shesh u inagurua me emrin e nderuar të Iliaz Vrionit dhe jam i bindur se bashkia në planin e ri do të vendosë shumë shpejt një monument i cili do ta perjetësojë edhe më mirë këtë figurë në qendër të Beratit, por edhe sheshin ta bëjë akoma më të bukur dhe tërheqës për të gjithë.

Njëkohësisht do të doja të vlerësoja me Titullin ?Për merita të veçanta civile? edhe disa personalitete: zotin Çlirim Mukli, intelektual i njohur në fushën e arsimit; zotin Zino Matathia, Doktor i shkencave mjeksore; zotin Eduard Shabani, sipërmarrës i suksesshëm Kryetar i Shoqatës ?Zona për zhvillimin e biznesit?; zotin Kozma Brisku, mjek i njohur gjinekolog; zonjën Virgjini Mile, këngëtare e talentuar dhe e palodhur e këngës qytetare beratase.”