web counter
LEXO PA REKLAMA!

SHKARKO APP

App Store
Google Play

E fundit!

x

Meta viziton Beratin/ Vlera e këtij qyteti e jashtëzakonshme

22 Dhjetor 2017, 18:56, Aktualitet CNA

Presidenti i Republikës, Ilir Meta zhvilloi sot një vizitë pune në Berat, i shoqëruar nga Kryebashkiaku i qytetit, Petrit Sina, Prefekti Harilla Dafa, Ambasadori i Japonisë, Makoto Ito dhe bashkëshortja, deputetë, autoritete dhe drejtues vendorë ku mori pjesë në një sërë veprimtarish të organizuara në këtë a me rastin e festave të fundvitit.

Presidenti i Republikës përshëndeti koncertin festiv të organizuar në ndërtesën e Qendrës së Kulturës, ku theksoi se ?Berati gjithmonë ka qenë një qytet i ndriçuar, i njerëzve të mençur, patriotë, atdhetarë. Nuk ka patur më shumë firmëtarë për pavarësinë e Shqipërisë në 1912-tën, në Dokumentin e Pavarësisë nga asnjë rajon tjetër i Shqipërisë më shumë sesa nga Berati.

Vlera dhe kontributi i Beratit në gjithë historinë e Shqipërisë edhe të shtetformimit, edhe të zhvillimit, e modernizimit është i jashtëzakonshëm.?

Presidenti i Republikës mori pjesë dhe në hapjen e Panairit të Agrobiznesit dhe Artizanatit në Sheshin qendror ?Teodor Muzaka?.Me këtë rast u zhvillua edhe Dita e Gatimeve Tradicionale në kuadër të Panairit Vjetor të Gatimeve Tradicionale ku u paraqitën prodhime dhe ushqime tipike të Krishtlindjeve të gatuara nga mjeshtrit e kuzhinës beratase.

Më pas Presidenti Meta së bashku me Kryetarin e Bashkisë përuruan ?Sheshin Iliaz Vrioni? duke zbuluar edhe pllakën me emrin e vendosur për nder të kësaj figure të shquar beratase.

Në Sallën e Konferencave të Bashkisë Berat Presidenti Meta shpërndau dhurata për njëqind nxënësit e shkëlqyer duke iu drejtuar atyre me një mesazh për të nxitur investimin e tyre në kërkim të diturisë., ashtu si kundër Berati ka nxjerrë koka të mençura ndër vite.





Lajmet e fundit nga