web counter
LEXO PA REKLAMA!

SHKARKO APP

App Store
Google Play

E fundit!

x

U mbyt në lumë/ Gjendet pas tre ditësh trupi i pajetë i 35-vjeçarit

19 Dhjetor 2017, 13:51, Aktualitet CNA

Pas tre ditësh kërkime është gjetur sot trupi i pajetë I 35-vjeçarit, I cili ishte zhdukur në Tropojë.

Mësohet se Gentian Zalli, punëtor i firmës së mirëmbajtjes së rrugës shkoi për të mbushur ujë në lumë gjatë pushimit, por nuk u kthye më.

Trupi i 35-vjeçarit u gjet në shtratin e lumit Valbonë dhe dyshohet se është mbytur.

Njoftimi i policisë:

?Forcat e Komisariatit të Policisë Tropojë në bashkëpunim me familjarët dhe banorët e zonës, në vijim kërkimeve për gjetjen e shtetasit G.Z., ku dyshohet se është mbytur në lumin Valbonë, afër ish Turizmit, sot, më datë 19.12.2017, është gjetur trupi i pajetë i shtetasit G.Z., 35 vjeç, banues në Bajram-Curri, në shtratin e lumit Valbonë, në vendin e quajtur Quku i Dunishes, rreth 2 km larg vendit të ngjarjes?- thuhet në njoftimin e policisë.

Në ndihmë të Policisë për nxjerjen e trupit të viktimës, për shkak të thellësisë dhe prurjeve të mëdha të lumit, kanë ardhur në ndihmë dhe shërbimet e zjarrëfikses së qytetit, ku u bë e mundur nxjerra trupit të viktimës. Trupi i pajetë, po transportohet në spitalin e Tropojës, për të kryer ekspertizën mjeko-ligjore.

Më datë 16.12.2017, në Valbonë, duke qenë punëtor në një firmë për mirëmbajtjen e rrugës, gjatë kohës së pushimit të drekës ai është larguar për të mbushur ujë të pijshëm tek burimi në afërsi të lumit të Valbonës, dhe nuk është kthyer më./ CityNews





Lajmet e fundit nga