web counter
LEXO PA REKLAMA!

SHKARKO APP

App Store
Google Play

E fundit!

x

Fsheh të ardhurat dhe nuk i bindet urdhërit të policisë/ Arrestohet 26-vjeçari

19 Dhjetor 2017, 11:49, Aktualitet CNA

Një 26-vjeçar është arrestuar nga specialistët e Krimit Ekonomik-Financiar, në bashkëpunim me shërbimet e Policisë Rrugore në Pogradec.

Uniformat blu bëjnë të ditur se i ndaluari është shtetasi Enri Goxhaj, 26 vjeç, banues në Tiranë.

Arrestimi i tij u bë pasi, më datë 18.12.2017, në lagjen nr 1 në Pogradec, gjatë kontrollit që shërbimet e Policisë ushtruan në mjetin e tij tip ?Alfa Romeo? me targë AA 621 NS, iu gjetën e sekuestruan në cilësinë e provës materiale 10 kuti kartoni me deklarata doganore bosh në gjuhën Shqipe. Këto të fundit shërbenin për ç`doganimin e mallrave në kufi, të cilat ky shtetas i kishte importuar nga Greqia dhe i shiste, por nuk dispononte dokument shoqërues të tyre.

Gjithashtu gjatë kryerjes së testit të alkoolit, rezultoi se shtetasi i mësipërm drejtonte mjetin në gjendje të dehur dhe për shkak të detyrës, nuk i është bindur urdhrit të punonjësit të policisë.

Materialet i kaluan Prokurorisë të Rrethit Gjyqësor Pogradec për veprat penale ?Fshehja e të ardhurave?, ?Shkelja e të drejtave të pronësisë industriale?, ?Mosbindja ndaj urdhrit të punonjësit të policisë së rendit publik?, ?Drejtimi i mjetit në mënyrë të parregullt?, parashikuar nga nenet 180, 149/a, 242 dhe 291 të Kodit Penal./ CityNews





Lajmet e fundit nga