E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kur opozita, katandiset tek çizmet e Monës

19 Dhjetor 2017, 11:34, Aktualitet CNA

Si çdo njeri që e don këtë vend nuk me vjen mirë fakti se Kryeprokurorja e përkohshme u zgjodh në parlament përmes një sjellje rrugaçërie të opozitës dhe arrogancës mazhorancës.

Pavarësisht mënyrës unë patriotes time mirditore i uroj suksese në këtë detyrë të vështirë e uroj të mos jetë një marionete në duart e atyre që e zgjodhën siç ishin paraardhësit e saj.

Shqetësimi im më i madh por besoj edhe i shumë shqiptarëve të arsyeshëm është mungesa e një opozite të denjë që ti bëjë ballë kësaj qeverie.

Partia Demokratike pa pikë dyshimi sot është në ditën më të zezë të saj, teksa lidershipi i saj dhe deputetët gjetën strehë tek fustani i ?zonjës parë? të vendit kryetares së LSI, Monika Kryemadhi, dhe forca e opozitës ishin çizmet e saj më të cilat goditi foltoren dhe thonjtë që iu thyen duke i hequr kartonët nga duart Ulsi Manjës.

Sikur të mos mjaftonte kur lideri historik i PD, Sali Berisha, bënte thirrje për djegie mandatesh, lideri de jure iu bind kryetares de fakto të opozitës, Monika Kryemadhi, se duhet të vijojnë të jenë në parlament.

Sot në shesh nuk ishin më shumë se 2 mijë protestues, ndërkohë që për një mandat deputeti duhen të paktën 10 mijë vota.
Kjo dëshmon qartë se populli e ka abandonuar këtë opozitë, realiteti i së cilës nuk përputhet askund me realitetin e shqiptareve të thjeshtë.
Si mund të shkojnë shqiptarët kur protestën e udhëheqin disa prej ish ministrave më të korruptuar të këtij vendi, apo bijtë e benjaminët e tyre e aq më tepër kur në krye të saj është, Monika Kryemadhi, gruaja e, Ilir Metës, politikanit që Shqipëria i dha mundësinë të provonte gjithçka.

Më vjen keq për përdorimin e të rinjve si mish për top, teksa kur mendoj deputeten që u ?gjakos? sot në përballje me policët e marr me mend vetë se ku është katandisur ky popull i papërfaqësuar dhe mbi të gjitha hesht pasi duket qartë se ardhmja politike e këtij vendi është ?ndritur./Citynews

Konfederata e Sindikatave të Shqipërisë