web counter
LEXO PA REKLAMA!

SHKARKO APP

App Store
Google Play

E fundit!

x

Dje e sulmuan/ Sot dënojnë dhunën e ushtruar ndaj Kryeprokurores Marku

19 Dhjetor 2017, 11:45, Aktualitet CNA

Një ditë pas protestës, deputetja së LSI-së, Klajda Gjosha ka dalë në një deklaratë për media ku ka dënuar dhunën e ushtruar ndaj  grave dhe vajzave të LSI ?së.

?Dënojmë dhunën e ushtruar ndaj deputetes Kejdi Mehmetaj si dhe  tërheqjen me forcë që ju bë deputetes më të re në Kuvendin e Shqipërisë, Floida Kërpaçi. Britmat e një nëne që tërhiqej në mes të turmës nga policia e shtetit. Dënojmë marrjen në rajon të disa vajzave të reja që protestonin krejt paqësisht në Rinas. Dhe këtu dua t?i rikujtoj Kuvendit të Shqipërisë që vetëm para pak ditësh ne votuam dhe duartrokitëm të gjithë së bashku një Rezolutë kundër dhunës ndaj grave dhe vajzave, që kjo rezolutë të mos mbetet vetëm në letër?, është shprehur Gjosha.

LSI, sipas Gjoshës, i mbështet deklaratat e bëra nga përfaqësitë e huaja diplomatike në vend, të cilat dënojnë dhunën e ushtruar në Kuvendin e Shqipërisë.

?Dënojmë marrjen peng të Reformës në Drejtësi asaj reforme te e cila besuan të gjithë qytetarët shqiptar. Dënojmë gjithashtu fyerjen dhe përdorjen që ju bë dje një gruaje, që u zgjodh me vota të paligjshme në krye të Prokurorisë së Përgjithshme, duke e detyruar atë të bëhej pjesë e një loje të shëmtuar të kryeministrit, i cili dje përveçse këtij posti emëroi sërish veten e tij në krye të këtij institucioni. Ne jemi të vendosur në kauzën tonë për një drejtësi të pavarur, për ndërtimin e një Shqipërie të lirë nga diktatura verbale, por edhe ajo e kartonave që përdoren me arrogancë në Kuvendin e Shqipërisë dhe do të vazhdojmë misionin tonë nëpërmjet gjithë mjeteve demokratike dhe ligjore për tja kthyer Shqipërinë gjithë qytetarëve shqiptarë?, ka përfunduar Gjosha./Citynews

 





Lajmet e fundit nga