E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Ministri Klosi: Shqipëria, 6 milonë euro për trajtimin e mbetjeve të rrezikshme

19 Dhjetor 2017, 12:45, Aktualitet CNA

Ministri i Turizmit dhe i Mjedisit Z. Blendi Klosi hapi ditën e sotme ministerialin e Mjedisit e mbajtur në në Takimin e 20-të të Konferencës së Palëve të Konventës së Barcelonës ?Konventa për mbrojtjen e mjedisit detar dhe zonës bregdetare të rajonit të Mesdheut? që po zhvillohet për herë të parë në Shqipëri.

Në fjalën e tij ministri Klosi përshëndeti punimet e takimit dhe falenderoi organizatorët për presidencën 2-vjeçare që i kanë dhënë Shqipërisë duke i siguruar se e gjatë kësaj presidence Shqipëria do të bëjë të gjitha përpjekjet e saj që projektet dhe strategjitë e konventës së Barcelonës të shndërrohen në veprime. ?Shpreh gjithë bindjen time, e të qeverisë shqiptare se Presidenca e Shqipërisë në 2- vjeçarin e ardhshëm të kësaj konvente do t?i shërbejë jo vetëm vendit tonë, po padyshim rajonit dhe më gjerë se kaq të gjitha shteteve anëtare për të pasur mundësinë që ne të transformojmë idetë, projektet, strategjitë e shumë hartuara gjatë këtyre viteve, në veprime konkrete?- tha ministri Klosi.

Kreu i Turizmit dhe i Mjedisit falenderoi gjithashtu konventën për vendimin e marrë gjatë këtyre punimeve për t?i akorduar Shqipërisë 6 milionë euro për trajtimin e mbetjeve të rrezikshme ? Rajoni jonë është një rajon në të cilin kalon pothuajse 40 përqind e gjithë trafikut botëror të importit të mallrave dhe prandaj jam shumë i lumtur të pranoj këtu se projekti i paraqitur për të trajtuar në mënyrë ekskluzive, i cili tanimë ka dhe një vendim të konventës për të dedikuar 45 milionë euro nga të cilat Shqipëria është fituese e 6 milionë euro për trajtimin e mbetjeve të rrezikshme është një provë e madhe se gjithë së bashku mund të realizojnë projekte që të realizojnë në vendin tonë, në rajonin tonë një mjedis më të pastër, një mjedis më të qëndrueshëm.?- tha ministri Klosi.

Më tej ministri Klosi i vuri në dijeni të pranishmit mbi veprimet konkrete që janë ndërmarrë nga qeveria shqiptare për të pasur një Shqipëri të pastër dhe të zhvilluar duke përmendur operacionin e pastrimit të vendit dhe ndalimin e tregtimit dhe importit të qeseve plastike. ?Kemi filluar tashmë, një operacion të plotë disavjeçar për ta transformuar Shqipërinë në një nga vendet më të pastra në rajon me standarte më të qëndrueshme në rajon në vend i cili trajton në mënyrë rigoroze pastërtinë e ujit dhe të ajrit biodiversitetin dhe mbrojtjen e natyrës. Ne vetëm para pak ditësh rimorëm vendimin e ndalimit radikal, të ndalimit të qeseve plastike në Shqipëri, duke kërkuar ta transformojmë Shqipërinë në një vend me zero qese plastike të cilat janë kaq të dëmshme për mjedisin tonë. Ne kemi marrë një aksion të plotë përsa i përket pastrimit të lumenjve dhe për këtë do të donim shumë që ajo çfarë ka ndodhur në vendet tuaja të shërbejë si një eksperiencë e vërtetë, për çfarë do të ndodhë në vendin tonë dhe çfarë ne duhet të bëjmë konkretisht që lumenjtë e Shqipërisë të jenë po aq të pastra sa lumenjtë e çdo vendi të kësaj konvente ?- tha ministri Klosi duke shprehur bindjen e tij për një mjedis që bashkon kombet. ?Jemi në të njëtin det, jemi në të njëtën hapësirë gjeografike, jemi në të njëtën natyrë, jemi në të njëjtin ajër. Eshtë e pamundur ta ndash në flamujt e çdo shteti, është e pamundur që të ndash në epruveta me flamuj partish apo shtetesh, ujin e lumenjve?.

Takimi i 20-të të Konferencës së Palëve të Konventës së Barcelonës ?Konventa për mbrojtjen e mjedisit detar dhe zonës bregdetare të rajonit të Mesdheut? zhvillohet për të herë të parë në Tiranë. Ky vit shënon edhe 40 vjetorin e një prej konventave më të rëndësishme sic është konventa e Barcelonës dhe protokollove të saj ku aderojnë 22 shtete ndër të cilat edhe Shqipëria prej vitit 2004.

Ministria e Turizmit dhe Mjedisit ka Presidencën 2- vjeçare të Konventës si shtet pritës i këtij takimi shumë të rëndësishëm. Gjatë këtij takimi që përfundon më 20 dhjetor janë marrë shumë vendime të rëndësishme nga të cilët edhe miratimi i Deklaratës Ministrore të Tiranës që sjell angazhimin e vendeve anëtare për të vazhduar marrjen e masave të duhura për parandalimin dhe reduktimin e ndotjes detare nga burimet tokësore dhe detare të përcaktuara në dokumentet strategjikë përkatëse të Planit të Veprimit për Mesdheun.

Qëllimi kryesor i Konventës së Barcelonës është zvogëlimi i ndotjes në Detin Mesdhe dhe mbrojtja e përmirësimi i mjedisit në zonën detare, duke kontribuar kështu në zhvillimin e qëndrueshëm të kësaj zone./Citynews