E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kryeministri i Kosovës përfiton 142 mijë euro në vit

19 Dhjetor 2017, 17:12, Aktualitet CNA

Të hyrat vjetore të Ramush Hardinajt dhe bashkëshortes së tij janë tepër të mëdha. Kështu vetëm nga pagat, çifti Haradinaj marrin rreth 69 mijë euro në vit, derisa nga qiraja e shtëpisë marrin 73,469 euro në vit, apo gjithsej rreth 142 mijë euro në vit.

Raportimi vjen nga gazeta kosovare ?metro?, sipas të cilës Ramush Haradinaj nuk e ka bërë ende deklarimin e pasurisë si kryeministër i vendit,por pasuria e tij figuron te regjistrimi për deklarimin e pasurisë si deputet i Kuvendit të Kosovës që e ka bërë më 21 gusht 2017.

Si pasuri të paluajtëshme Haradinaj ka deklaruar një shtëpi banimi prej 950 metra katrorë, të ndërtuar siç thuhet ?me mjete vetanake dhe me ndihmë nga bashkëluftëtarët? në vitet 2001-2002, me vlerë 300 mijë euro, të cilën e ka lëshuar me qira. Po ashtu, si pronë të palujtshme ka evidentuar kullën, apo shtëpinë e përbashkët familjare prej 800 metra katrorë e ndërtuar nga mjetet e përfituara nga prona e mëparshme e shitur në vitin 2005, në vlerë 270 mijë euro.

Po ashtu Haradinaj ka deklaruar si pronë të përbashkët 200 hektarë tokë kodrinore të blerë nga privatizimi në vitin 2005, në vlerë 75 mijë euro. Pastaj ka truall 21 ari e gjysëm në emër të tij, të blerë në vitin 2005 në vlerë 27.300 euro si dhe një shtëpi banimi 500 metra katrorë po ashtu në emër të tij, të blerë me kredi në vitin 2016 në vlerë 202 mijë euro.

Si pasuri të paluajtëshme, Haradinaj ka deklaruar një veturë të blerë në vitin 2013 me vlerë 8 mijë euro. Haradinaj ka deklaruar se nuk posedon letra me vlerë, derisa në bankë ka të deponuara mbi 20 mijë euro.

Nga ana tjetër, Haradinaj ka detyrime financiare ndaj institucioneve financiare në vend, gjegjësisht bankës dhe Administratës Tatimore. Ai ka duke shlyer një kredi nga viti 2016 deri në vitin 20131, në vlerë totale 150 mijë euro, gjegjësisht këst mujor prej 1264 euro e 17 cent.

Haradinaj ka deklaruar pagën si deputet prej 1294 euro, dhe pension invalidor 2700 euro në vit, pastaj pagën vjetore në AAK 17.708 euro.

Ndryshe, paga e kryeministrit llogaritet se arrin mbi 16 mijë euro në vit, shkruan Insajderi.

Edhe bashkëshortja e tij ka pagë të majme. Ajo ka pagë vjetore nga RTK-ja në shumë 7920 euro, pastaj pagë mujore 12 mijë euro nga kompania ELSIG dhe pagë vjetore nga Agjencia e Marketingut ?Vibe? 12 mijë euro.