E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

U masakrua në burgun e Marsejës/ Detaje të reja për azilantin shqiptar

19 Dhjetor 2017, 14:17, Aktualitet CNA

Detaje të reja janë zbardhur në lidhje me 23-vjeçarin shqiptar I cili u masakrua barbarisht në burgun e Marsejës.

Ngjarja e rëndë ka ndodhur pak ditë më parë në Francë, ku një 23-vjeçar shqiptar i identifikuar si Florenc Beqiri nga Shkodra, është masakruar barbarisht në burg.

Ai ishte ndaluar para një muaji në Francë, ndërsa pasi është gjetur në gjendje të rëndë, është transportuar për në spital ku ndodhet në vdekje klinike.

Familjarët e 23-vjeçarit janë të bindur se ai është masakruar në burgun e Marsejës, pasi vetë i riu i kishte treguar kushërirës së tij se kërcënohej nga shokët e qelisë.

Vetëm dy ditë më vonë i riu do të kthehej në Shqipëri, ndërsa në pamjet e dërguara nga emigrantët e tjerë, në fytin e tij duket shenja se është mbytur. Por kush është shqiptari që shokët e qelisë e donin të vdekur?

Florenc Beqiraj është i biri i Gëzim dhe Laureta Beqiraj, i datëlindjes 27 shtator 1994 nga Lagja Iliria, Shkodër, vëlla i vetëm i familjes Beqiraj. Ai kishte tre vjet që ndodhej në Francë dhe ishte në proçedura për azil. Sipas Press Independent Florenci kishte filluar punë si kamarier në një lokal në Marseille.

Në momentin që ka qënë duke ikur për në shtëpi është ndaluar nga policia franceze, që i ka kërkuar dokument identifikimi, dhe meqenëse nuk i dispononte, policia e ka shoqëruar në ambientet e komisariatit.

Për tre javë me radhë është mbajtur në Polici dhe para tre ditëve policia e ka dorëzuar si të vdekur, në duart e doktorëve të spitalit në Marseille.

Spitali i ka vendosur tubat e oksigjenit dhe mbahet në reaminacion ku sipas të afërmve kërkohet një pjestar i familjes, që të firmosë për heqjen e tubave të oksigjenit.

Babai i Florencit, Gëzim Beqiraj është nisur për në Francë, por është bllokuar në Turqi dhe përsëri është kthyer në Shkodër.

Shqiptarët në Francë bëjnë thirrje që familjarët të mos pranojnë të nënshkruajnë për heqjen e oksigjenit dhe shpalljen e vdekjes së tij nga mjekët, por të mbahet në reaminacion me shpresë se mund të kthehet në jetë, pasi zemra e tij punon normalisht.

Gjithashtu ata duan që t?i kërkohet Prokurorisë së Marseille që të hapen kamerat e sigurisë, për të verifikuar se si ka ndodhur realisht ngjarja me Florenc Beqiraj./ JOQ