E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Arrestuan 8 studente/ Kryemadhi thirrje Xhafës

18 Dhjetor 2017, 17:15, Aktualitet CNA

Pas protestave të organizuara nga opozita jashtë dyerve të Kuvendit nga qytetarët dhe brenda dyerve të tij nga vet politikanët, ka reaguar dhe kryetarja e LSI, Monika Kryemadhi.

Në një deklaratë për mediat Kryemadhi është shprehur se kryeministri Edi Rama, ka urdhëruar arrestimin e 8 studentëve.

?Hyrja e gardës është shkelje e ligjit dhe tregon që çdo ditë e më tepër në Shqipëri po instalohet një juntë. Sot përpara mediave nuk jam prezent për t?i përsëritur shqiptarëve atë që ndodhi, por për një fakt tjetër në vazhdën e imoralitetit, të papërgjegjshmërisë e sjelljes kriminale të Edi Ramës, që urdhëroi arrestimin e 8 vajzave të reja, që rrugës për në Bruksel i kishin dalë me një parullë për t?i bërë thirrje që të iki dhe të mos kthehet më?,-deklaroi Kryemadhi.

Më tej Kryemadhi i ka bërë thirrje ministrit të Brendshëm, Fatmir Xhafa që të hetojë shefin e komisionarit të Rinasit për dhunën e ushtruar ndaj vajzave.

?E ftoj Xhafajn që me ndjeshmërinë e tij si prind, që pasi liroi vajzat, të hetojë shefin e komisionarit të Rinasit për dhunë dhe fjalorin që ushtroi ndaj vajzave?.

Deklarata e plotë:

Sot ishte një ditë e turpshme e parlamentarizmit shqiptar. Paligjshmëria filloi që kur Garda e Republikës hyri në sallë pa urdhrin e Kryetarit të Parlamentit, por vetëm me një shenjë të Kryeministrit, gjë e cila është e kundraligjshme. Hyrja e Gardës së Republikës në sallën e Kuvendit të Shqipërisë është shkelje e ligjit, por mbi të gjitha tregon hapur që çdo ditë e më shumë në Shqipëri po instalohet një Juntë e Krimit të Organizuar. Antikushtetuetshmëria, paligjshmëria dhe kriminaliteti tashmë janë bërë një tipar dallues i qeverisjes së Edi Ramës në Shqipëri, gjë e cila u pa edhe sot.

Por sot përpara mediave, nuk jam prezent për tja u përsëritur shqiptarëve edhe njëherë atë çka ndodhi paradite në sallën e Kuvendit, por jam këtu për një fakt tjetër në vazhdën e imoralitetit, të papërgjegjshmërisë dhe sjelljes kriminale të qeverisë së Edi Ramës, i cili urdhëroi arrestimin e 8 vajzave të reja, sepse rrugës për të pirë kafe në Bruksel dhe më pas në Nju Jork, I kishin dalë me një parrullë që I bënin thirrje për ta ndërgjegjësuar atë, që të iki dhe të mos kthehet më. Sigurisht që Edi Rama nuk është mësuar të shikojë parrulla të tilla, ai është mësuar të shikojë se sa shumë e duan Edi Ramën, por në fakt shqiptarët nuk e duan më atë. Ai urdhëroi arrestimin e vajzave, dhe urdhëroi ushtarët e tij të drogës, shefin e komisariatit të Rinasit, që jo vetëm ti ndalojë ato, por edhe ti dhunojë, edhe ti fyejë.

E ftoj zyrtarisht z. Xhafaj që me të njëjtën ndjeshmëri si prind dhe me përgjegjshmërinë e detyrës që kreu për ndërhyrjen dhe lirimin e vajzave të LRI, të hetojë dhe shefin e komisariatit të Rinasit për dhunën dhe fjalorin banal që ka ushtruar ai ndaj vajzave. Por nuk mund të rri pa përmendur dhe njëherë gjakun e deputetes më të re të Kuvendit të Shqipërisë, Floida Kërpaçit, të cilën segmentet e Edi Ramës, gjakosën jo vetëm Floidën por dhe shumë gra e vajza që ishin sot në protestë. Manipulimi që kërkon t?i bëjë Edi Rama dhe kukullat e tij opinionit publik, nëpërmjet kapjes së mediave duke thënë se janë goditur policë apo institucione, është jo vetëm qesharake, por edhe monstruoze. Nuk ka më budalla që ta besojë atë çka Edi Rama kërkon tu imponojë shqiptarëve. Sot, ishin me qindra mijëra shqiptarë në shesh, nesër do jenë më shumë e kështu me radhë. Nuk na ngelet gjë tjetër, vetëm ti drejtohemi shqiptarëve qytet më qytetet, rrugicë më rrugicë, derë më derë, për të treguar fytyrën e vërtetë të qeverisë së krimit, e cila drejtohet vetëm nga një njeri i vetëm që është koka e krimit Edi Rama.

Edi Rama mund të kërkojë të blejë të intimidojë, të dhunojë, të kërcënojë çdo njeri. Por ta harrojë se gjaku i Floida Kërpaçit nuk do të lahet asnjëherë nga bluza e saj derisa të ikë ai dhe krimi i organizuar. Sot Edi Rama ka hyrë në gjak me rininë shqiptare dhe derisa të mbarojë fryma ime ai nuk do të pijë kafe asnjëherë i qetë dhe nuk do shëtisë asnjëherë i qetë në rrugët e Tiranës. Ne nuk do ndalemi me këto vajza të reja dhe me ato djem të rinj, nuk do ti ndahemi atij derisa të çlirojë Shqipërinë dhe rininë shqiptare, nga kthetrat e drogës dhe krimit të organizuar. /CityNews