E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Reportazh/ “Qyteti i Burgosur”

18 Dhjetor 2017, 16:09, Aktualitet CNA

Sot, dua t?ju tregoj për një vend, për një qytet të vogël. Ndodhet diku në verilindje të Shqipërisë. Është qytet shumë i pasur, por me njerëz të varfër. Është mbase qyteti më i pasur në Shqipëri. Në fakt, është qyteti më i pasur në Shqipëri, madje madje edhe në Ballkan e Europë.

Është vend i vogël, por me njerëz të mëdhenj, në fakt do thoja me heronj. Jo me heronj si ata të filmave, por me heronj të vërtetë të gjallë e të prekshëm. Ata janë burra dhe burrnesha që pavarësisht rrethanave që u?a imponoi jeta, ashtu të lodhur e kokë ulur kurrë nuk u ndalën së luftuari.

Ndryshe nga heronjtë e filmave, ata nuk luftojnë me të keqen apo me ?bad boys? që u kanë ?vjedhur? jetën, por luftojnë cdo ditë me vdekjen për të ushqyer familjet dhe fëmijët e tyre.

Për ju që pak ose aspak e dini, ky qytet është Bulqiza. Bulqiza ime, dhe e gjithë atyre që me zgjedhjen e tyre apo me zgjedhjen e të tjerëve, vendosën të jetojnë këtu. Në fakt Bulqiza, nuk është vetëm një qytet i ?burgosur?.

Më shumë se kaq, është një qytet i syrgjynosur, i grabitur, i harruar në burg. Fiks si ata të pafajshmit që mbetën në burg, edhe pse krim nuk kanë bërë. E them me plot bindje, morale dhe njerëzore, që Bulqiza është e pafajshme.

Është e pafajshme, dhe është burgosur padrejtësisht. Madje-madje do thoja, është burgosur për interesa të ca të tjerëve që duan të mbulojnë krimet e tyre.

Ka aq shumë vite që jeton aty e burgosur, ashtu e pashpresë dhe e lodhur, pa dëshirë për të jetuar, saqë liria as i bën më përshtypje. Fundja, ajo i dha të gjitha. I dha gjithë c?farë pat. Ju dha moshën, vitet, djemtë e saj, vajzat, fëmijët, burrat, pasurinë. Fundja, cfarë mund ti merrni më tepër?

Ajo sot, nuk e do më lirinë. Fundja, për cfarë i hyn në punë liria dikujt, që kaloi gjithë rininë duke u dergjur burgjeve, edhe pse e pafajshme ishte.

Bulqiza sot, vuan fatin e saj. Vuan se ?lindi? e pasur. Nuk u tregua fare individualiste, sic shumë tregohen.

Pwrkundrazi, ajo u dha shumë të tjerëve dhe nuk mbajti asgjë për veten dhe bijtë e saj, por sërish e luftojnë dhe e lënë në harresë, edhe pse i bëri të pasur ata që dolën nga hici. Bulqizën, nuk e burgosën dhe e vodhën vetëm të huajt, atë e grabitën edhe djemtë e saj bandit, të paepur dhe egoist, qenër të paedukuar që hanë të zotin e tyre që i ushqen.

Nuk e di edhe për sa kohë, Bulqiza do qëndrojë kështu e burgosur, duke pritur pas hekurave. Më duke se është mësuar kaq shumë me fatin e saj, e të qenit e burgosur, sa nuk i bën më përshtypje. Unë nuk dua të jetë kështu, në fakt më dhemb zemra vetëm kur e mendoj, e jo më ta bëj fakt të kryer.

Duket se e kanë vënë keq ?përfundi?, aq keq sa as nuk mund të ngrihet në ?këmbët? e saj e jo më të ecë. Djemtë e saj nuk ja zgjasin dorën, pasi e shohin si ?nënën? që i la në rrugë./ Edison Balla